މިހުކުރު ވޮއިސްގެ ބަދިގެއިން މި ގެނެސްދެނީ ގާތް ގަނޑަކަށް 20 މިނެޓް ތެރޭ ކުކުޅުން ތައްޔާރު ކޮށްލެވޭ މީރު ޑިޝް އެއްގެ ރެސިޕީއެވެ.

4 ޗިކަން ތައި (ހަންގަނޑާ އެކީ)

ލޮނު

އަސޭމިރުސް

1.5 މޭޒުމަތީ ސަމުސާ ބަޓަރު

3 މޭޒުމަތީ ސަމުސާ އޮއިސްޓަރ ސޯސް

2 މޭޒުމަތީ ސަމުސާ ސޯޔާ ސޯސް

0.5 މޭޒުމަތީ ސަމުސާ އަސޭމިރުސް 

1.5 މޭޒުމަތީ ސަމުސާ ލޮނުމެދު (ގާނާފައި)

2 މޭޒުމަތީ ސަމުސާ މާމުއި

2.5 މޭޒުމަތީ ސަމުސާ ޓޮމާޓޯ ކެޗަޕް

1. ކުކުޅު މަހުގެ ދެފަރާތުގައި ލޮނާއި އަސޭމިރުސް ރަނގަޅަށް އުނގުޅާލާށެވެ.

2. ތަވަޔަށް ތެޔޮ އަޅާފައި، ގިނި މެދުމިނުގައި ބަހައްޓައި ތެޔޮ ހޫނު ވުމުން، ކުކުޅު މަސް އަޅާށެވެ.

3. ކުކުޅު ފައިގެ ކޮންމެ ފަރާތެއްގައި 2-3 މިނެޓް ވަންދެން ނުވަތަ ހަން ރަނގަޅަށް ރަތްވެ މުރަނަވަންދެން ތެލުގައި ފްރައި ކޮށްލާށެވެ. އޭގެ ފަހުން ނަގާފައި ވަކިން ބަހައްޓާށެވެ.

4. ތަށްޓެއްގައި އަސޭމިރުސް، ލޮނުމެދު ޕޭސްޓް، އޮއިސްޓަރ ސޯސް، ސޯޔާ ސޯސް، މާމުއި އަދި ކެޗަޕް އެއްކޮށްލާށެވެ.

5. ކުރިން ބޭނުންކުރި ތަވާއަށް، ބަޓަރު އަޅާފައި، ތައްޔާރުކުރި ސޯސް އަޅާފައި 1 މިނެޓް ވަންދެން ހަލުވަމުން ކައްކާށެވެ. ގިނި ބަހައްޓަން ވަނީ މަޑު ކޮށެވެ. 

6. ދެން އެ ތަަވައިގެ ތެރެއަށް ކުކުޅު މަސް އަޅާފައި، ކޮންމެ ފަރާތެއް 3-4 މިނެޓް ވަންދެން ކައްކާށެވެ.