ޔަމަނުގައި ހަރަކާތްތެރިވާ ހޫޘީންނަށް ހަމަލާދޭންވެގެން އެމެރިކާއަށް ޕެރެމެޑިކްސް ޓީމަކަށް ހަމަލާދެވިއްޖެއެވެ.
މިކަމާ ގުޅޭގޮތުން އަލް ޖަޒީރާއިން ބުނެފައިވަނީ ހޫޘީންގެ ބާރުގެ ދަށުގައިވާ ތެޔޮބަނދަރަކަށް އަމާޒުކޮށް އެމެރިކާއިްނ ދިން ވަރުގަދަ ހަމަލާތަކުގައި 84 މީހަކު މަރުވެ، 150 މީހަކު ޒަހަމްވެފައިވާކަމަށެވެ. އެމެރިކާއިން ބުނާގޮތުގައި ހަމަލާތައް ދިނީ ހޫޘީންނަށް ތެއޮ ފޯރުކޮށްދިނުމަށް ހިންގަމުންދާ އޮޕަރޭޝަންތައް ނައްތާލުމުގެ ގޮތުން ތެއޮ ބަނދަރަކަށެވެ. އަދި ތެއޮ ފޯރުކޮށްދީގެން އެމީހުނަށް ލިބޭ އާމްދަނީ ހުއްޓުވުމަކީވެސް އެމެރިކާއިން ދިން ހަމަލާތަކުގެ އެއް މަޤްސަދެވެ.
ނަމަވެސް އަލްޖަޒީރާއިްނ ބުނެފައިވަނީ، ޔަމަނުގެ ހުދައިދާ ސަރަހައްދުގެ ރަސް އިސާ ތެޔޮބަނދަރަށް ދިން ހަމަލާތަކުގައި މަރުވި މީހުންގެ ތެރޭގައި ގިނައީ އަވަސްފަރުވާ ދިނުމަށް ހަރަކާތްތެރިވަމުން ދިޔަ ޕެރެމެޑިކުންކަމަށެވެ. އެމެރިކާގެ މި ހަމަލާތައް ޔަމަނުންވެސް ވަނީ ކުށްވެރިކޮށްފައެވެ. ހޫޘީން ބުނީ އެމެރިކާއިން ހަމަލާތައް އަމާޒުކުރީ އެހީގެ ޓީމްތަކަށް ކަމަށެވެ.
އެމެރިކާއިން ޔަމަނުގައި ހަރަކާތްތެރިވާ ހޫޘީންނަށް ހަމަލާދޭން ފަށާފައިވަނީ ރަތްކަނޑުން ދަތުރުކުރަމުންދާ އިސްރާއީލްގެ އާގުބޯޓުފަހަރުތަކަށް އަމާޒުކޮށް ހޫޘީން ދެމުންދާ ހަމަލާތަކުގެ ސަބަބުންނެވެ. މިކަމާ ގުޅޭގޮތުން ހޫޘީން ބުނެފައިވަނީ، އެމެރިކާއިން ކިތަންމެ ވަރަކަށް ހަމަލާތައް ދެމުންދިޔަ ނަމަވެސް، ޔަހޫދީ ސިފައިން ޢައްޒާއަށް ހަމަލާތައްދިނުން ހުއްޓާނުލާނަމަ، އިސްރާއީލްގެ ބޯޓުތަކަށް ދެމުންދާ ހަމަލާތައް ހުއްޓާނުލާނޭކަމަށެވެ.
Advertisement
This content is created and paid for by advertisers and does not involve Voice Journalists
