ސަޢުދީ ޢަރަބިއްޔާގެ ޕްރިންސް މުހައްމަދު ބިން ސަލްމާން ބިން ޢަބްދުލް އަޒީޒުގެ ދަޢުވަތަކަށް، އިންޑިޔާގެ ބޮޑުވަޒީރު ނަރެންދުރަ މޯދީ މިއަދު ސަޢުދީ އަށް ވަޑައިގެންފިއެވެ.
ދެ ދުވަހުގެ މި ދަތުރަށް ޖިއްދާއަށް ފުރާވަޑައިގަންނަވަމުން އެކްސްގައި ކުރެއްވި ޕޯސްޓެއްގައި މޯދީ ވިދާޅުވީ، ސަޢުދީއަށް ކުރާ މި ދަތުރުގައި ގިނަ މަޝްވަރާ ބައްދަލުވުންތަކާއި ޕްރޮގްރާމްތަކުގައި ބައިވެރިވާނެ ކަމަށެވެ.
ސަޢުދީއާ އެކު އޮތް ތާރީޚީ ގުޅުމަކީ އަޅުގަނޑުމެންނަށް އަގުހުރި ގުޅުމެއް. ފާއިތުވި ދިހަ އަހަރުގެ ތެރޭގައި ދެ ޤައުމުގެ ގުޅުންވަނީ ވަރަށް ބޮޑަށް ވަރުގަދަވެފައި. އަދި ސްޓްރެޓެޖިކް ޕާޓްނަރޝިޕް ކައުންސިލްގެ ދެވަނަ ބައްދަލުވުމުގައި ބައިވެރިވެވޭތީ އުފާކުރަން."
މީގެ އިތުރުން މޯދީ ވަނީ މި ދަތުރުފުޅުގައި ސައުދީގައި ދިރިއުޅޭ އިންޑިޔާގެ ރައްޔިތުންނާ ބައްދަލުކުރައްވާނެކަންވެސް ހާމަކުރައްވާފައެވެ.
މި ދަތުރުފުޅުގެ ތެރެއިން، ސަޢުދީއިން އިންޑިޔާއަށްދޭ ހައްޖު ކޯޓާ އިތުރުކުރުމަށް މަޝްވަރާ ކުރުމަށް ހަމަޖެހިފައިވާކަމަށްވެސް އިންޑިޔާގެ ބައެއް ނޫސް ތަކުން މައުލޫމާތު ދެއެވެ.
މޯދީ ސަޢުދީއަށް ކުރައްވާ ތިންވަނަ ދަތުރުފުޅެވެ. މީގެ ކުރިން މޯދީ ސަޢުދީއަށް ވަޑައިގެންފައިވަނީ 2016 އަދި 2019 ވަނަ އަހަރުއެވެ. އެހެން ހުރިހާ ބޮޑުވަޒީރުން 70 އަހަރުގެ ތެރޭގައި ސަޢުދީއަށް ކުރެއްވީ ޖުމްލަ ތިން ދަތުރުފުޅެވެ. މީގެ އިތުރުން މިއީ މޯދީ ގަލްފްް ސަރަޙައްދުގެ ޤައުމުތަކަށް ކުރައްވާ 15 ވަނަ ދަތުރުފުޅެވެ.
Advertisement
This content is created and paid for by advertisers and does not involve Voice Journalists
