ކ.ތިލަފުށީގައި ކްލިނިކެއް ހިންގުމަށް ޝައުޤުވެރިވާ ފަރާތްތަކުން ޕްރޮޕޯސަލް ހުށަހެޅުމަށް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހުޅުވާލައިފިއެވެ.

އެޗްޑީސީން ކުރި އިއުލާނެއްގައި ބުނީ، މި މަޝްރޫޢުގެ ދަށުން ކްލިނިކް ހިންގުމަށް ކަނޑައަޅާފައިވަނީ 669.30 އަކަފޫޓުގެ ބޮޑުމިނުގެ ޓީއެލްސީ-ޖީ-01 ނަންބަރު ޔުނިޓު ކަމަށެވެ.

އެޗްޑީސީން ބުނީ މި ޔުނިޓް ކުއްޔަށް ދޫކުރުމަށް ހުށަހަޅާ ޕްރޮޕޯސަލްތައް ބަލައިގަތުން އޮންނާނީ 2025 ވަނަ އަހަރުގެ މެއި މަހުގެ 22 ވަނަ ދުވަހުގެ މެންދުރުފަހު 2:00 އަށް ކަމަށެވެ. އަދި ޕްރޮޕޯސަލްއާއެކު ބިޑް ސެކިއުރިޓީއެއް ހުށަހަޅަންޖެހޭނެ ކަމަށްވެސް އެޗްޑީސީން ބުނެފައިވެއެވެ.

* މި މަޝްރޫޢާ ގުޅޭ ޕްރީ-ޕްރޮޕޯސަލް ބައްދަލުވުން އޮންނާނީ 2025 ވަނަ އަހަރުގެ މެއި މަހުގެ 4 ވަނަ ދުވަހުގެ މެންދުރުފަހު 2:00 ގައި ޒޫމް މެދުވެރިކޮށް.

* މަޝްރޫޢާ ގުޅޭ ސުވާލުތައް ހުށަހެޅުމުގެ ސުންގަޑިއަކީ މެއި މަހުގެ 7 ވަނަ ދުވަހުގެ މެންދުރުފަހު 2:00 ގައި.

* ސުވާލުތަކަށް ޖަވާބު ދިނުމަށް ހަމަޖެހިފައިވަނީ މެއި މަހުގެ 12 ވަނަ ދުވަހު

ޕްރޮޕޯސަލްތައް ހުށަހަޅަންޖެހޭނީ އެޗްޑީސީ ބިލްޑިންގގެ ގްރައުންޑް ފްލޯގައި ހުންނަ އެގްޒިބިޝަން ސެންޓަރަށެވެ.

އަދި ޕްރޮޕޯސަލްތައް ހުޅުވުން އޮންނާނީ ހަމަ އެދުވަހު މެންދުރުފަހު 2:00 ގައި އެތަނުގައެވެ.

މި މަޝްރޫޢާ ގުޅޭ އިތުރު މަޢުލޫމާތު އެޗްޑީސީގެ ވެބްސައިޓުން ލިބެން ހުންނާނެ ކަމަށް އެ ކުންފުނިން ބުނެފައިވެއެވެ. އަދި އެންމެ ފަހުގެ މަޢުލޫމާތު ހޯދުމަކީ ޕްރޮޕޯސަލް ހުށަހަޅާ ފަރާތްތަކުގެ ޒިންމާއެއް ކަމަށްވެސް އެޗްޑީސީން ވަނީ ބުނެފައެވެ