ކަރާއަކީ އޭގައި ސިއްޙަތަށް ފައިދާަހުރި ގިނަ ގުނަ މާއްދާތަކެއް އެކުލެވޭ މީރު މޭވާ އެކެވެ. އެއިން ތަފާޔު އެކިވައްތަރުގެ ބުއިން ތައްޔާރު ކުރެވޭއިރު، މިއަދު މި ގެނެސްދެނީ މީރުކޮށް ކަރާ މޮކްޓެއިލް ހަދާނެ ގޮތުގެ ރެސިޕީއެވެ. 

ބޭނުންވާ ތަކެތި

1 މެދު ސައިޒުގެ ކަރާ (ކިޔުބުކޮށް ކޮށައި، ބޭނުންނަމަ އޮށް ނަގާފައި) 

1/2 ޖޯޑު ލުނބޯ ހުތް

4 މޭޒުމަތީ ސަމުސާ މާމުއި

1/3 ޖޯޑު ފްރެޝް މިންޓް

ސޯޑާ ވޯޓަރ 

އައިސް ކިޔުބް

1) މިކްސްޗަރަށް އަޅައިގެން ކަރާކޮޅު ރަނގަޅަށް ހިމުންކޮށްލާށެވެ. ދެން އޭގެ ތެރެއަށް މިންޓް ލީވްސް، ލުނބޯ ހުތް އަދި މާމުއި އަޅައިގެންވެސް އަނެއްކާ މުގުރާލާށެވެ. (ފޮނި މަޑުނަމަ ރަހަ ހެޔޮވަރުކޮށްލަން އިތުރު މާމުއި ކޮޅެއް އަޅާލާށެވެ. އަދި ކުޑަ ލޮނުކޮޅެއްވެސް އަޅާލާށެވެ). 

2) ދެން ޖަގަކަށް ކަރާ ޖޫސް މިކްސްޗަރ ފުރާނާލާށެވެ. 

3) މޮކްޓެއިލް ހެދުމަށް ތަށްޓަށް އައިސްކިޔުބް އެޅުމަށްފަހު، ތަށީގެ ދެބައިކުޅަ އެއްބަޔަށް ސޯޑާ ވޯޓަރ ދެން ހުރި ބަޔަށް ކަރާ ޖޫސް މިކްސްޗަރ އަޅާށެވެ.  ބޭނުން ނަމަ މިންޓް ލީވްސް އިން ގާނިޝް ކޮށްލާށެވެ.