އިންޑިއާ އާއި ޕާކިސްތާނުން އިތުރު ހަމަނުޖެހުމަކަށް ނުގޮސް ދެޤައުމު ސުލްހަވުމަށް އެމެރިކާގެ ރައީސް ޑޮނާލްޑް ޓްރަމްޕް ގޮވާލައްވައިފިއެވެ.
ވައިޓް ހައުސްގެ އޯވަލް އޮފީހުގައި ނޫސްވެރިންނާ ވާހަކަދައްކަވަމުން ޓްރަމްޕް ވިދާޅުވީ، އިންޑިއާ އާއި ޕާކިސްތާނު އިތުރު ހަމަނުޖެހުމަކަށް ނުގޮސް ދެ ޤައުމުންވެސް ސުލްހަވެރިކަން އިސްކުރަންޖެހޭނެ ކަމަށެވެ. ޓްރަމްޕް ވިދާޅުވީ، އިންޑިއާ އާއި ޕާކިސްތާނާ ދެޤައުމުގެ ދެމެދު މިހާޜު އޮތް ނުތަނަވަސްކަން ފިލުވާލައި، ދެ ޤައުމުންވެސް ސުލްހަވެރިވާންޖެހޭކަމަށެވެ.
ނޫސްވެރިންނާ ވާހަކަދައްކަވަމުން ޓްރަމްޕް ވިދާޅުވީ، ދެޤައުމުގެ ދެމެދު އޮތް މައްސަލަ ހައްލުކުރުމަށް އެމެރިކާގެ ފަރާތުން ބޭނުންވާ ކޮންމެ އެހީތަރިކަމެއް ދިނުމަށް ތައްޔާރަށް އިތްކަމަށެވެ. އެގޮތުން އެންމެ ބޭނުންވަނީ ދެ ޤައުމު އެއް ވިސްނުމެއްގައި ކުރިއަށްދާތަން ބަލަންކަމަށްވެސް ޓްރަމްޕް ވިދާޅުވިއެވެ.
އިންޑިއާ އާއި ޕާކިސްތާނާ ދެޤައުމުގެ ގުޅުން ވަރަށްބޮޑަށް ގޯސްވެފައިވާއިރު، ދެ ޤައުމުންވެސް ތިބީ ހަނގުރާމައެއް ފަށަން ޖެހިއްޖެނަމަ އެކަން ކުރިއަށްގެންދާ ގޮތަށެވެ.
މިދިޔަ މަހު ކަޝްމީރުގެ އިންޑިއާ ކޮންޓްރޯލްކުރާ ބަހަލްގަމްގައި ދިން ހަމަލާއާ ގުޅިގެން މަޝްރަހު ގޮސްވެފައިވާއިރު، ދެ ޤައުމުގެ ދެމެދު ހަނގުރާމައެއް ފެށުމުގެ ކޮޅުމަތި ފެންނަން ފެށީ، އިންޑިއާއިން ރޭ ޕާކިސްތާނަށްދިން ވައިގެ ހަމަލާތަކާ ގުޅިގެންނެވެ. އިންޑިއާގެ ޖެޓްތަކުން ޕާކިސްތާނަށް ދިން ހަމަލާތަކުގައި އާއްމުންގެ ތެރެއިން 31 މީހަކު މަރުވެފައިވާކަމަށް ޕާކިސްތާނު ސަރުކާރުން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
