Advertisement

އިންޑިއާ-ޕާކިސްތާން ހަމަނުޖެހުން؛ ހަމަލާތަކުގައި ޕާކިސްތާނުން 31 އަދި އިންޑިއާއިން 13 މަރު

ޕާކިސްތާނުގެ މިސްކިތެއްގެ ބޭރުގައި އެގައުމުގެ ސިފައިންގެ މީހެއް: ފޮޓޯ/ އަލްޖަޒީރާ

އިންޑިއާ އާއި ޕާކިސްތާނުގެ ދެމެދުގައި ހިނގަމުންދާ ހަމަނުޖެހުން އިތުރަށް ގޯސްވެ، ދެ ޤައުމުގެ މެދުގައި ހިނގި ހަމަލާތަކުގައި މިހާތަނަށް 44 މީހުން މަރުވެއްޖެއެވެ.

ޕާކިސްތާނުގެ ބަޔާނެއްގައި ބުނެފައިވާ ގޮތުގައި އިންޑިއާގެ ހަމަލާތަކުގައި ޕާކިސްތާނުގެ 31 އާންމު ރައްޔިތުން މަރުވެފައިވާ އިރު، އިންޑިއާއިން ބުނެފައިވަނީ ޕާކިސްތާނުގެ ހަމަލާތަކުގައި އިންޑިއާގެ 13 މީހުން މަރުވެފައިވާ ކަމަށެވެ. މީގެ ތެރޭގައި އެއް ސިފައިންވެސް ހިމެނެއެވެ.

ޕާކިސްތާނުގެ މަޖިލީހުގައި ދެއްކެވި ވާހަކަފުޅެއްގައި އެ ޤައުމުގެ ބޮޑުވަޒީރު ޝަހްބާޒް ޝަރީފް ވިދާޅުވެފައިވަނީ އިންޑިއާގެ ހަމަލާތަކަށް "އެކަށީގެންވާ ރައްދެއް" ދެވިފައިވާ ކަމަށާއި، އިންޑިއާގެ ފަސް ހަނގުރާމަ މަތިންދާބޯޓު ވަނީ ޕާކިސްތާނުގެ ސިފައިން ވައްޓާލާފައި ކަމަށެވެ.

Advertisement

އަދި ޕާކިސްތާނުގެ ނެޝަނަލް ސެކިއުރިޓީ ކޮމިޓީން ބުނެފައިވަނީ އިންޑިއާގެ ހަމަލާތަކަށް ޖަވާބުދާރީވުމުގެ ހުއްދަ ޕާކިސްތާނުގެ ހަތިޔާރުއެޅި ބާރުތަކަށް ދީފައިވާ ކަމަށެވެ. އަދި އިންޑިއާއަށް ރައްދު ދޭނެ "ވަގުތަކާއި، ތަނަކާއި، ގޮތެއް" ކަނޑައެޅުމުގެ ޙައްޤު ޕާކިސްތާނަށް ލިބިގެންވާ ކަމަށްވެސް ބުނެފައިވެއެވެ.

ޕާކިސްތާނުގެ ދިފާއީ ވަޒީރު ޚަވާޖާ އާސިފް ވިދާޅުވެފައިވަނީ އިންޑިއާއާއެކު ފުޅާ ދާއިރާއެއްގައި ހަނގުރާމައެއް ފެށުމަށް ޕާކިސްތާނުން ބޭނުމެއް ނުވާ ކަމަށެވެ. ނަމަވެސް އެފަދަ ހާލަތަކަށް ތައްޔާރުވެ ތިބެންޖެހޭ ކަމަށް އޭނާ ވިދާޅުވިއެވެ.

މި ހަމަނުޖެހުން ނިމުމަކަށް ގެނައުމަށް އެހީތެރިވެދޭން އެމެރިކާގެ ރައީސް ޑޮނަލްޑް ޓްރަމްޕް ވަނީ ހުށަހަޅުއްވާފައެވެ. އޯވަލް އޮފީހުގައި ނޫސްވެރިންނާ ވާހަކަދައްކަވަމުން ރައީސް ޓްރަމްޕް ވަނީ އެމެރިކާއިން ބޭނުންވަނީ އެ ދެ ޤައުމުން މައްސަލަ ހައްލުކުރާތަން ދެކެން ކަމަށް ބުނެފައެވެ.

މީގެ އިތުރުން، އިނގިރޭސިވިލާތް، ފްރާންސް، ޖަރުމަނުވިލާތް، އީރާން، ތުރުކީވިލާތް، ޤަތަރު އަދި ޔޫއޭއީ ފަދަ ބޮޑެތި ބާރުތަކުން ވަނީ ހަމަޖެހުމާއެކު ކަންކަން ކުރުމަށާއި، ޑިޕްލޮމެޓިކް މަގުތަކުން މައްސަލަ ހައްލުކުރުމަށް މަސައްކަތްކުރުމަށް ނިއުކްލިއަރ ހަތިޔާރު ލިބިފައިވާ މި ދެ ޤައުމަށް ގޮވާލާފައެވެ.

Advertisement

ކޮމެންޓް

Advertisement

Advertisement