ހޫނު ދުވަސް ތަކުގައި ފިނިފިނި ސްމޫތީ އެއް ބުއިލުމަކީ ހަށިގަނޑަށް އާރޯކަން ލިބިގެންދާނެ ކަމެކެވެ. އަދި އެއީ މީރު ސްމޫތީއެއް ނަމަ ހިތަށްވެސް ހަމަޖެހުން ލިބިގެންދާނެއެވެ. އެހެންކަމުން މިއަދު "ވޮއިސް" ގެ ބަދިގެއިން މި ގެނެސްދެނީ ވަރަށް މީރުކޮށް ކަށިކެޔޮ ސްމޫތީ ތައްޔާރު ކުރާނެ ގޮތުގެ ރެސިޕީއެވެ. 

2 ޖޯޑު ކަށިކެޔޮ ( ތުނިކޮށް ކޮށާފައި)

1 ޖޯޑު ފުލް ކްރީމް މިލްކް

1 މޭޒުމަތީ ސަމުސާ މާމުއި

1 ޕްލެއިން ޔޯގަޓް

އައިސްކިއުބް

1) 2 ޖޯޑު ފެން އަޅައިގެން ކަށިކެޔޮ ރަނގަޅަށް މިކްސްސަރުން މުގުރާލާށެވެ. ދެން ފުރޭންޏަކުން ޖޫސްފޮދު ފުރާނާލަށެވެ. 

2) މިކްސްޗަރަށް އައިސްކިއުބާއި، ކަށިކެޔޮ ޖޫސް، ޔޯގަޓް، މިލްކު އަދި މާމުއި އެޅުމަށްފަހު ރަނގަޅަށް އެކުލަވައިލާށެވެ. ބޭނުން ނަމަ ކުޑަ ރަތް ކުލައިގެ ކާ ކުލަ ކޮޅެއް އަޅާލެވިދާނެ އެވެ. 

2) ރަނގަޅަށް ހިމުންވެ އެކުވުމުން، ތައްޓަކަށް އައިސްކިއުބް އެޅުމަށްފަހު ސްމޫތީ އަޅާލާނީއެވެ.

މިހާރު ކަށިކެޔޮ ސްމޫތީ ތައްޔާރުކޮށް ނިމިފައެވެ.