ބޯވާއަކީ ތަދު އެއްޗެއް ނަމަވެސް، އެފަދަ ޚާއްސަ އެއްޗެއް ޢާއިލާ އެންމެން އެއްވާ ދުވަހަކު ތައްޔާރުކޮށްގެން ކާލުމަކީ އެއްވުން އިތުރަށް ފުރިހަމަވެގެންދާނެ ކަމެކެވެ. އެހެންކަމުން މިއަދު ”ވޮއިސް“ ގެ ބަދިގެއިން މި ގެނެސްދެނީ މީރުކޮށް ޗިލީ ބޯވާ ތައްޔާރު ކުރާނެ ގޮތުގެ ރެސިޕީއެވެ.

ބޮޑު ބޯވައެއް (ހަން ނޮޅައި ސާފުކޮށް، ކުދިކޮށް ކޮށާފައި)

1 ފިޔާ (ތުނިކޮށް ކޮށާފައި) 

2 ލޮނުމެދު ޗޮޕް ކޮށްފައި

1 ބެލްޕެޕާ (ކިޔުބްކޮށް ކޮށާފައި)

1/3 ޖޯޑު ލީކްސް ( ތުނިކޮށް ކޮށާފައި) 

1/2 ޖޯޑު ކެރެޓު (ކިޔުބްކޮށް ކޮށާފައި)

1/3 ސައި ސަމުސާ އިނގުރު ޕޭސްޓް

1 ދަޅު ޓޮމާޓޯ ޕޭސްޓް

1 މޭޒުމަތީ ސަމުސާ އޮއިސްޓާ ސޯސް

1 ސައި ސަމުސާ ސޯޔާ ސޯސް

1/3 ޖޯޑު ފްރައިޑް ޗިކަން ޗިލީ ސޯސް

2 މޭޒުމަތީ ސަމުސާ ތެޅި މިރުސް

1 ސައިސަމުސާ ކުކުޅު ހަވާދު

ގިތެޔޮ މިރުސް (ކޮށާފައި)

4 ހިކިމިރުސް (ކޮށާފައި)

ހިކަނދިފަތް، ރާނބާފަތް

ތެޔޮ ފޮދެއް

1/2 ޖޯޑު ކާށި ކިރު

ނޫސްޑްލް ސޫޕް ޕެކެޓް

ލޮނު

1) ފިޔާ، ލޮނުމެދު، ހިކިމިރުސް، ގިތެޔޮ މިރުސް، ހިކަނދިފަތް، ރާނބާފަތް އަދި އިނގުރުޕޭސްޓް ތެޔޮ ފޮދެއްގެ ތެރޭގައި މީރުކޮށްލާށެވެ.

2) ދެން ބެލްޕެޕާ، ކެރެޓް، އަދި ލީކްސްވެސް އެއަށް އަޅައި ތަކުރާރީކޮޅު ރޯފިލަންދެން ކައްކާލާށެވެ. އަދި އޮއިސްޓާ ސޯހާއި ސޯޔާސޯސް، ޓޮމާޓޯޕޭސްޓް، ތެޅިމިރު މިރުސް އަދި ކުކުޅު ހަވާދު އަޅައި އެކުލަވާލާށެވެ.

3) އެއަށްފަހު، ނޫޑްލްސް ސޫޕް ޕެކެޓް އެޅުމަށްފަހު، ބޯވާކޮޅު އަޅާލައި އެކުލަވާލާށެވެ. އަދި މަތި ޖަހައިގެން ބޯވައިން ނުކުންނަ ފެންފޮދު ހިނދި، ބޯވާ މަޑުވަންދެން ކައްކާލާށެވެ. (ދޭތެރެއިން މަތި ނަގައި ހަލުވާލަން ވާނެއެވެ.)

4) ދެން ކާށިކިރާއި، ޕްރައިޑްޗިކަން ސޯސް އަޅައި އެކުލަވާލާށެވެ. އަދި އޮލަވެލަންދެން އަނެއްކާވެސް ކައްކާލައި ލޮނު ހެޔޮވަރު ކޮށްލާށެވެ. 

ޗިލީ ބޯވާ އެހުރީ ތައްޔާރު ވެފައެވެ. ފަރާޓާ ނޫނީ އާދައިގެ ރޮއްޓާއެކު ކާލަންވެސް މި ބޯވަ ވަރަށް މީރުވާނެއެވެ.