މަޝްހޫރު ދީނީ އިލްމުވެރިޔާ އައްޝެއިހް އިބްރާހިމް ފަރީދު އަހްމަދު ކުއްލި ގޮތަކަށް ނިޔާވެއްޖެ އެވެ.
ޝެއިހް ނިޔާވީ މެލޭޝިޔާގަ އެވެ. މެލޭޝިޔާއަށް ވަޑައިގަތީ މިއަދު އެވެ. މެލޭޝިޔާއަށް ވަޑައިގެންނެވީ އެ ގައުމުގައި އޮތް ބައްދަލްވުމެއްގައި ބައިވެރިވެވަޑައިގެންނެވުމަށެވެ.
އެއާޕޯޓަށް ފެއިބިތަނާ ޝެއިހް ވެއްޓުމުން ސީޕީއާރު ދިން ކަމަށާ ނަމަވެސް އޭގެ ކުޑަވަގުތުކޮޅެއްގެ ފަހުން ނިޔާވީ ކަމަށް ޝެއިހާއެކު މެލޭޝިޔާއަށް ދިޔަ މީހަކު "ވޮއިސް" އަށް ދެންމެ ބުންޏެވެ.
ޝެއިހް ފަރީދު ފާހަގަ ކުރެވިފައި ވަނީ ދިވެހީންގެ މެދުގައި ވަރަށް މަގުބޫލު އިލްމުވެރިއެއްގެ ގޮތުގަ އެވެ. ދީނީ ގޮތުން ދިވެހީން ހޭލުންތެރި ކުރުވުމަށް އެންމެ ބޮޑަށް މަސައްކަތް ކުރެއްވި އެއް ޝެއިހަކީ ފަރީދެވެ. އެ މަސައްކަތުގައި އެތައް އަނިޔާއަކާއި ދުތުރާލަކާ ކުރިމަތިލާން ޖެހުނެވެ.
އެންމެ އުނދަގޫ ވަގުތު އެ މަސައްކަތުގައި އެންމެ އިސް ދައުރެއް އަދާކުރެއްވި ބޭފުޅަކީ ޝެއިހް ފަރީދެވެ.
ޝެއިހް ފަރީދު ނިޔާވުމާއި ގުޅިގެން ވަރަށް ގިނަ ބަޔަކު އެކަމުގެ ހިތާމަފާޅުކޮށް އާއިލާއަށް ތައުޒިޔާ ކިޔަމުންނެވެ.
Advertisement
This content is created and paid for by advertisers and does not involve Voice Journalists
