ކުއްލި ގޮތަކަށް ނިޔާވި އައްޝައިހް އިބްރާހިމް ފަރީދު އަހްމަދުގެ ހަށިގަނޑު ރާއްޖެ ގެނައުމަށް އާއިލާ އިން މަސައްކަތް ފަށައިފި އެވެ.

ޝައިހް ނިޔާވީ މިއަދު މެލޭޝިޔާއަށް ވަޑައިގަތްތާ ކުޑައިރުކޮޅެއްގެ ތެރޭގައި އެއާޕޯޓްގަ އެވެ. ކުއްލި ގޮތަކަށް ނިޔާވީ އެއާޕޯޓްގައި ހުއްޓާ ވެއްޓި އެވެ.

އާއިލާއާ ހަވާލާދީ ޝެއިހްއާ އެކު މެލޭޝިޔާއަށް ދިޔަ ޓީމުގެ މެންބަރަކު ބުނީ އާއިލާ އިން ބޭނުން ވަނީ ޝެއިހްގެ ހަށިގަނޑު މާލެ ގެނެސް ޖަނާޒާގެ ކަންކަން މާލޭގައި ބޭއްވުމަށް ކަމަށެވެ. އެކަމާ އިސްލާމިކް މިނިސްޓްރީއާ ވާހަކަ ދައްކަމުންދާ ކަމަށެވެ.

ޝެއިހް ފަރީދު ފާހަގަ ކުރެވިފައި ވަނީ ދިވެހީންގެ މެދުގައި ވަރަށް މަގުބޫލު އިލްމުވެރިއެއްގެ ގޮތުގަ އެވެ. ދީނީ ގޮތުން ދިވެހީން ހޭލުންތެރި ކުރުވުމަށް އެންމެ ބޮޑަށް މަސައްކަތް ކުރެއްވި އެއް ޝެއިހަކީ ފަރީދެވެ. އެ މަސައްކަތުގައި އެތައް އަނިޔާއަކާއި ދުތުރާލަކާ ކުރިމަތިލާން ޖެހުނެވެ.

އެންމެ އުނދަގޫ ވަގުތު އެ މަސައްކަތުގައި އެންމެ އިސް ދައުރެއް އަދާކުރެއްވި ބޭފުޅަކީ ޝެއިހް ފަރީދެވެ. 

ޝެއިހް ފަރީދު ނިޔާވުމާއި ގުޅިގެން ވަރަށް ގިނަ ބަޔަކު އެކަމުގެ ހިތާމަފާޅުކޮށް އާއިލާއަށް ތައުޒިޔާ ކިޔަމުންނެވެ.