ޑްރަގް ޓްރެފިކް ކުރުމުގެ ކުށް ސާބިތުވެ ޔާޔާ ނަބީލް އުމުރަށް ޖަލަށް
މީސް މީޑިއާގައި އަންހެން ހެދުން އަޅައިގެން ބޭއަދަބީ ފޮޓޯ ތަކާއި ވީޑިއޯތައް އާއްމު ކުރުމުގައި އުޅެމުންދާ ފިރިހެނެއް ކަމުގައިވާ މުހައްމަދު ނަބީލް (ޔާޔާ ނަބީލް) އުމުރަށް ޖަލަށް ލާން ކްރިމިނަލް ކޯޓުން ހުކުމްކޮށްފިއެެވެ.
މި މައްސަލައިގެ ހުކުމް ކްރިމިނަލް ކޯޓުން ކުރީ އިއްޔެގެ ވަގުތެއްގައެވެ. ނަމަވެސް މައްސަލައިގެ ރިޕޯޓް އަދި އެ ކޯޓުގެ ސައިޓުގައި ހާމަ ނުކުރާތީ ތަފްސީލް ލިބޭގޮތް އަދި ވަނީ ނުވެފައެވެ.
ޓިކްޓޮކްގައި ބަރަހަނާ ވީޑިއޯ ތަކާއި ފޮޓޯތައް އާއްމު ކޮށްގެން މީގެ ކުރިންވެސް ޔާޔާ ނަބީލް ވަނީ ޖަލަށް ލާފައެވެ. އެފަހަރު އޭނާއަށް އައީ އެންމެ އަހަރެއްގެ ޖަލު ހުކުމެކެވެ.
ޖަލުން ސަލާމަތް ވުމާއެކު، އަންހެން ހެދުން އަޅައިގެން ބޭ އަދަބީ ވީޑިއޯތައް މީސްމީޑިއާގައި އާއްމު ކުރުމުގެ ކަންކަން އޭނާ ކުރަމުންދާއިރު، ފުލުހުންވެސް ދޭތެރެއިން އޭނާ ދިރިއުޅޭގެ ފާސްކުރެއެވެ.
އެގޮތުން، ދާދިފަހުން މީޑިއާތަކަށް ފޮނުވި މެސެޖެއްގައި ފުލުހުން ބުނީ ކޯޓު އަމުރެއްގެ ދަށުން މިދިޔަ މެއި މަހުގެ 27 ވަނަ ދުވަހު ނަބީލު ދިިރިއުޅޭ ގެ ބަލައި ފާސްކޮށްފައިވާ ކަމަށެވެ. އެ ގެ ބަލައި ފާސްކޮށް ފޯނަކާއި ލެޕްޓޮޕެއް އެ އިދާރާގެ ބެލުމުގެ ދަށަށް ގެނެސްފައިވާ ކަމަށް ފުލުހުން ބުންޏެވެ.
މައްސަލައިގެ އިތުރު ތަފްސީލް ފުލުހުން ނުދެއެވެ.
Advertisement
This content is created and paid for by advertisers and does not involve Voice Journalists
