ޖުޑީޝަލް ސާވިސް ކޮމިޝަން (ޖޭއެސްސީ)ގެ އާންމު މެންބަރުކަމުގެ މަގާމަށް އަށް ބޭފުޅަކު ކުރިމަތިލައްވައިފި އެވެ.

ޖޭއެސްސީގެ އާންމު މެންބަރު ކަމުގެ މަގާމަށް ހުޅުވާލީ މިހާރު އެ މަގާމުގައި ހުންނެވި ޑރ. އާމިނަތު އުއްމުކުލްސޫމްގެ ފަސް އަހަރުގެ ދައުރު އަންނަ މަހު 6އަށް ހަމާވާތީ އެވެ.

އެގޮތުން، ހުޅުވާލި ފުރުސަތުގައި، 8 ބޭފުޅުން ކުރިމަތި ލައްވާފައި ވާއިރު، މިއަދުގެ މަޖިލީހުގެ ޖަލްސާގައި ވަނީ މި މަގާމަށް ކުރިމަތިލެއްވި ބޭފުޅުންގެ ނަންތައް ހާމަކޮށްފަ އެވެ. 

އެގޮތުން ކުރިމަތިލެއްވި ބޭފުޅުންނަކީ: 

އިބްރާހިމް ޒާހިދު، ލިލީމާގެ/ގދ. ވާދޫ

އަހްމަދު އަލީ އާމިރު، މއ. ޕެންޒީވިލާ

އިދްރީސް ފައުޒީ، ފަހިވާގެ/ލ. ކަލައިދޫ

އަހްމަދު ޝާފިއު، އުދަރެސް/ހއ. އިހަވަންދޫ

ޑރ. ހުސައިން ފާއިޒް، ދަފްތަރު ނަންބަރު 1325

ހަސަން ވަހީދު، ރަންކޮކާގެ/ހދ. ކުރިނބީ

އަލީ މުހައްމަދު މަނިކު، ދަފްތަރު ނަމްބަރު ރސ. 1851

އެ ބޭފުޅުންގެ ނަންތައް ދިރާސާ ކުރުމަށް ޖުޑީޝަރީ ކޮމިޓީއަށް ވަނީ ފޮނުވާފަ އެވެ. 

ޖޭއެސްސީގައި ހިމެނެނީ، އާންމުން ކަނޑައަޅާ މެންބަރަކާއި، މަޖިލީހުން ކަނޑައަޅާ މެންބަރަކާއި، ސިވިލް ސާވިސް ކޮމިޝަންގެ ރައީސާއި، ރައީސުލްޖުމްހޫރިއްޔާ ކަނޑައަޅާ މެންބަރަކާއި، ގާނޫނީ ވަކީލުންގެ ތެރެއިން ކަނޑައަޅާ ވަކީލަކާއި، ދަށު ކޯޓުތަކުން ކަނޑައަޅާ ފަނޑިޔާރަކާއި ހައިކޯޓުން ކަނޑައަޅާ ފަނޑިޔާރަކާއި، ސުޕްރީމް ކޯޓުން ކަނޑައަޅާ އެ ކޯޓުގެ ފަނޑިޔާރެއްގެ އިތުރުން ދައުލަތުގެ ބަންޑާރަ ނާއިބެވެ.