ވަކި ހާއްސަ ސަބަބެއް ނާންގާ ރައްޔިތުންގެ މަޖިލީހުގެ މިއަދުގެ ޖަލްސާ ވެސް ކެންސަލް ކޮށްފި އެވެ.
ހަފްތާއަކު ތިން ދުވަހު މަޖިލީހުގެ ޖަލްސާތައް ބާއްވަންޖެހޭނެ ކަމަށް މަޖިލީހުގެ ގަވާއިދު ބުނެ އެވެ. އެގޮތުން މަޖިލީހުގެ ޖަލްސާތައް އާންމުގޮތެއްގައި ބާއްވަނީ ހޯމަ، އަންގާރަ އަދި ބުދަ ދުވަހު އެވެ.
މީގެ ކުރިން ވެސް މަޖިލީހުގައި ކުރާނެ ވަކި މަސައްކަތެއް ނެތުމުން ކަމަށް ބުނެ މަޖިލީހުގެ ޖަލްސާތައް ކެންސަލް ކުރާ މައްސަލައާއި ގުޅިގެން އެމްޑީޕީއަށް ނިސްބަތްވެވަޑައިގަންނަވާ މެންބަރުން ވަނީ ކަންބޮޑުވުން ފާޅުކޮށްފަ އެވެ.
އެމްޑީޕީ އަށް ނިސްބަތްވާ މެމްބަރުން ތުހުމަތު ކުރާ ގޮތުގައި މަޖިލީހުގައި ކުރާނެ މާބޮޑު މަސައްކަތްތަކެއް ނޯންނަނީ މަޖިލީހަށް ބަންޑާރަނައިބުގެ އޮފީހުން ފޮނުވަންޖެހޭ ބިލުތައް ނުފޮނުވާ ލަސްވާތީ އެވެ.
މަޖިލީހަށް ވަޒީރުން މަޖިލީހުން ހާޒިރުކުރަން މެންބަރުން އެދުމުން ވެސް އެ ބޭފުޅުން ހާޒިރުނުކުރާތީ އާއި ވަކި ހާއްސަ ސަބަބަކާ ނުލާ މަޖިލީހުގެ ޖަލްސާތައް ކެންސަލްކުރާތީ އެކަމުގެ ކަންބޮޑުވުން ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމް ވަނީ މިގެ ކުރިން ފާޅުކޮށްފަ އެވެ.
ފާހަގަކޮށްލަންޖެހޭ ގޮތުގައި ބަހުސްކުރުމުގެ ފުރުސަތަށް މެމްބަރުން އެދުނު ނަމަވެސް ޖަލްސާ ނިންމާލާފައި ވެސް އެބަހުއްޓެވެ.
Advertisement
This content is created and paid for by advertisers and does not involve Voice Journalists
