އުފަންވީއިރު ދަރިފުޅުގެ ހަށިގަނޑުން ޑްރަގްސްގެ އަސަރު ފެނުމުން އިހުމާލުވި މަންމަ ހޯދަން އިއުލާންކޮށްފި
އުފަންވީއިރު ދަރިފުޅުގެ ހަށިގަނޑުން މަސްތުވާތަކެތީގެ އަސަރު ފެންނަން ހުރި މައްސަލާގައި އެކުއްޖާގެ މަންމަ ހޯދަން ފުލުހުން އިއުލާންކޮށްފި އެވެ.
މި މައްސަލައާއި ގުޅިގެން ހޯދަން އިއުލާންކޮށްފައިވަނީ ސ. ހިތަދޫ، އުޖާލާ، އާމިނަތު ޝިފްޒާ 40، އެވެ.
ފުލުހުން އޭނާ ހޯދުމަށް އިއުލާންކޮށްފައިވަނީ ކުޑަކުއްޖަކާމެދު އިހުމާލުވެފައިވާ މައްސަލައިގަ އެވެ. އެގޮތުން ފުލުހުން އޭނާ ހޯދުމަށް ކޮށްފައިވާ އިއުލާނުގައި ބުނެފައިވަނީ އޭނާ ހޯދަނީ ކްރައިމްސް އެގެއިންސްޓް ޗިލްޑްރެން ޑިޕާޓްމަންޓުން ތަހުގީގު ކުރަމުން އަންނަ މައްސަލައެއްގެ ތަހުގީގަށް ކަމަށާއި އޭނާ ހޯދަނީ މި މައްސަލައާއި ގުޅިގެން ސުވާލުކުރުމަށް ކަމަށް ފުލުހުން ވަނީ ބުނެފަ އެވެ.
ފާހަގަކޮށްލަންޖެހޭ ގޮތުގައި ދަރިންނަށް އިހުމާލުވާ މިފަދަ މައްސަލަތަކުގައި ދަޢުލަތަށް ކުދިން ނަގާފަހަރުވެސް އާދެ އެވެ. އެހެންނަމަވެސް އާއިލާއިން ކުއްޖާއާއި ހަވާލުވާނެ ފަރާތެއް ހުރިނަމަ ދައުލަތުން ކުއްޖާ އެކުއްޖާގެ އާއިލާއާއި ހަވާލު ކުރެ އެވެ.
ފުލުހުން ދަނީ މި މައްސަލަ އިތުރަށް ތަހުގީގުކުރަމުންނެވެ.
Advertisement
This content is created and paid for by advertisers and does not involve Voice Journalists
