އެލައިޑް އިންޝުއަރަންސް ކޮމްޕެނީ އޮފް މޯލްޑިވްސް (އެލައިޑް) އިން ކުންފުނީގެ 40 އަހަރު ފުރުން ފާހަގަކުރުމުގެ ގޮތުން، އެ ކުންފުނީގެ ޚާއްސަ އާއިލީ ހަރަކާތް ކަމަށްވާ އެލައިޑް ފެސްޓްގެ އައްޑޫ ސިޓީގައި ކުރިއަށް ގެންގޮސްފިއެވެ.

މިދިޔަ ޖޫން މަހުގެ 20 ވަނަ ދުވަހު ބޭއްވި މި ހަރަކާތުގައި 1،000 އަށްވުރެ ގިނަ އާއިލާއިން ވަނީ ބައިވެރިވެފައެވެ. 

މިފެސްޓް ވެގެން ގޮސްފައިވަނީ އެ އާއިލާތަށް، އެކުގައި މަޖާކޮށް، ގުޅުން ބަދަހިކުރުމަށް، ލިބުނު ރަނުގެ ފުރުސަތަކަށެވެ.

ކޮންމެ އަހަރަކު މާލޭގައި ބާއްވަމުން އަންނަ އެލައިޑް ފެސްޓަކީ އާއިލާތަކުގެ މެދުގައި ވަރަށް ބޮޑު މަގުބޫލުކަމެއް ހޯދާފައިވާ ހަރަކާތެކެވެ. 

އެލައިޑް ކުންފުންޏަށް 40 އަހަރު ފުރުން ފާހަގަކުރުމުގެ ގޮތުން، މިފަހަރު މި ފެސްޓް އައްޑޫ ސިޓީގައި ބާއްވާފައިވާއިރު، އެއްހާސް އާއިލާއަށް ވުރެ ގިނަ އާއިލާ މި ހަރަކާތުގައި ބައިވެރިވެފައިވެއެވެ.

މި ހަރަކާތުގައި ގޭމް ސްޓޯލްތަކާއި، އިންޓަރެކްޓިވް ހަރަކާތްތަކާއި، ހަދިޔާ ދިނުންފަދަ ކަންކަން ހިމެނުނުއިރު، ކޮންމެ ކުއްޖަކަށްވެސް ޚާއްސަ ހަދިޔާއެއް ލިބުނެވެ. 

މިއީ ކުޑަކުދިންނާއި ބެލެނިވެރިންނަށްވެސް ހިނިތުންވުމާއި، އުފާވެރިކަމުން ފުރިގެންދިޔަ ހަވީރެކެވެ.

މަޖާ ކުރުމުގެ އިތުރުން، އެލައިޑްގެ ޓީމުތަކުން ވަނީ ބެލެނިވެރިންނާއެކު މަޝްވަރާކޮށް، އާއިލާތަކުގެ މުސްތަގުބަލަށްޓަކައި ފައިސާ ރައްކާކުރުމުގެ އާދަތަކާއި މާލީ ރައްކާތެރިކަމުގެ މުހިންމުކަމާ ބެހޭގޮތުން ހޭލުންތެރިކަން އިތުރުކޮށްފައެވެ.

އެލައިޑް ފެސްޓްގެ އައްޑޫ އެޑިޝަން އަކީ އެލައިޑްގެ ކަސްޓަމަރުންނާއި މުޖުތަމަޢަށް ޚިދުމަތް ދިނުމުގެ މަސައްކަތްތައް ފުޅާކުރުމުގެ މުހިންމު ފިޔަވަޅެކެވެ. އެލައިޑް ފެސްޓްގެ މާލޭ އެޑިޝަން މި އަހަރުގެ ފަހު ކުއާޓަރުގައި ބޭއްވުމަށް ހަމަޖެހިފައިވާ ކަމަށް އެ ކުންފުނިން ބުނެއެވެ. 

މި ހަރަކާތްތަކުގެ މަގުސަދަކީ އާއިލީ ގުޅުން ބަދަހިކޮށް މާލީ ގާބިލުކަން އިތުރުކުރުމުގެ މަސައްކަތްތައް ކުރިއަށްގެންދިއުމެވެ.