ރައްޔިތުން މަޖިލީހުގެ ދައުރުން ބޭރުން އަންނަ ހޯމަދުވަހު ޖަލްސާއެއް ބޭއްވުމަށް ތާވަލްކޮށްފިއެވެ.
ރައްޔިތުން މަޖިލީހުގެ އިދާރާއިން ބުނެފައިވަނީ، ދައުރުން ބޭރުން މަޖިލީހުގެ ޖަލްސާއެއް ބާއްވައިދިނުމަށް އެދިފައިވާތީޥެ، މިމަހުގެ 15 ވާ ހޯމަދުވަހު ޖަލްސާއެއް ބޭއްވުމަށް ނިންމާފައިވާކަމަށެވެ. ނަމަވެސް އެދުވަހު ބޭއްވުމަށް ނިންމާފައިވާ ޖަލްސާގެ އެޖެންޑާއެއް އަދި މިހާތަނަށް އާއްމުކޮށްފައެއް ނުވެއެވެ.
ރައްޔިތުން މަޖިލިހުގެ ދެވަނަ ދފައުރު ނިންމައި މަޖިލީސް ޗުއްޓީއަށް ގޮސްފައިވަނީ މިދިޔަމަހުގެ 19 ވަނަ ދުވަހުއެވެ. މަޖިލީސް ޗުއްޓީއަށް ދިޔަނަމަވެސް މިހާތަނަށް ދެ ޖަލްސާ އަކާއި ބައެއް ކޮމިޓީ ބައްދަލުވުންތައް ވަނީ ކުރިއަށްގެންގޮސްފައެވެ. އޭގެ ތެރޭގައި މީޑިއާ ކޮންޓްރޯލްކުރުމަށް ބިލް ފާސްކުރުމަށް ބޭއްވި ޖަލްސާ އާއި، ބިލާ ގުޅޭގޮތުން ދިރާސާކުރުމަށް މިނިވަން މުއައްސަސާތަކާ ބެހޭ ކޮމިޓީން ކުރިއަށްގެންދިޔަ ބައްދަލުވުންތައް ހިމެނެއެވެ.
ޗުއްޓީއަށްފަހު މަޖިލިސް އެނބުރި މަސައްކަތަށް ނިކުންނާނީ އަންނަ އޮކްޓޯބަރުމަހުގެ ތެރޭގައެވެ.
Advertisement
This content is created and paid for by advertisers and does not involve Voice Journalists
