ޖޭއެސްސީގެ މެންބަރު ކަމަށް މުޖްތާޒް އައްޔަނު ކުރައްވައިފި

ޖޭއެސްސީގެ މެންބަރު ކަމަށް މުޖްތާޒް އައްޔަނު ކުރެއްވުން --

ޖުޑީޝަލް ސާވިސް ކޮމިޝަންގެ މެންބަރު ކަމަށް، ސިވިލް ސާވިސް ކޮމިޝަންގެ ރައީސް، މއ. ސިގްމާ، މުހައްމަދު މުޖްތާޒް އައްޔަން ކުރައްވައިފި އެވެ.

ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތެއްގައި މުޖްތާޒް ވަނީ ޖުޑީޝަލް ސާވިސް ކޮމިޝަންގެ މެންބަރުކަމުގެ ހުވާ ކުރައްވައި، ހުވާގެ އިގްރާރުގައި ސޮއިކުރައްވާފަ އެވެ.

މުޖްތާޒަށް ހުވާ ލައިދެއްވީ ސުޕްރީމް ކޯޓުގެ ފަނޑިޔާރު، މުހައްމަދު ސަލީމެވެ. މި ރަސްމިއްޔާތުގައި ރައީސުލްޖުމްހޫރިއްޔާ ވަނީ، ޖުޑީޝަލް ސާވިސް ކޮމިޝަންގެ މެންބަރުކަމަށް އައްޔަން ކުރެއްވިކަމުގެ ލިޔުން މުޖްތާޒާ ހަވާލުކޮށްދެއްވާފަ އެވެ.

މުޖްތާޒް ޖުޑީޝަލް ސާވިސް ކޮމިޝަންގެ މެންބަރު ކަމަށް އައްޔަންކުރެއްވީ ސިވިލް ސާވިސް ކޮމިޝަނުގެ ރައީސްގެ ހައިސިއްޔަތުންނެވެ.

ކޮމެންޓް