ރައްޔިތުންގެ މަޖިލީހުގެ މިނިވަން މުއައްސަސާތަކާއި ބެހޭ ކޮމެޓީގައި ނޫސްވެރީން އަޑުގަދަކުރި މައްސަލައާ ގުޅިގެން މަޖިލީހުގެ ގަވާއިދު އިސްލާހު ކުރަން ނިންމައިފި އެވެ.
މިރޭ ފާސްކުރި މީޑިއާ ބިލް ދިރާސާކުރުމުގެ މަސައްކަތް މިނިވަން މުއައްސަސާތަކާއި ބެހޭ ކޮމެޓީން ކުރިއިރު އެ ކޮމެޓީން ބޭއްވި ބައްދަލްވުމެއްގައި ވަރަށް ބޮޑަށް ހަމަނުޖެހުން ހިނގި އެވެ. ކޮމެޓީ ބައްދަލްވުން ސިއްރުކުރަން ނިންމުމުން ބައެއް ނޫސްވެރީން ވަނީ އަޑުގަދަކޮށްފަ އެވެ. ނޫސްވެރީން ގަދަކަމުން ނެެރެން އުޅުމުގެ ތެރޭގައި ހަމަނުޖެހުން ހިނގި އެވެ.
މަޖިލީހުގެ މިރޭގެ ޖަލްސާގައި ވާހަކަ ދައްކަވަމުން ރިޔާސަތުގައި އިންނަވާ މަޖިލީހުގެ ނާއިބު ރައީސް އަހްމަދު ނާޒިމް ވިދާޅުވީ އެ ދުވަހު ހިނގާދިޔަ ކަންތައްތަކާއި ގުޅިގެން މަޖިލީހުގެ ސާޖަންޓް އެޓް އާމްސް ތައްޔާރުކޮށްފައިވާ ރިޕޯޓެއް މަޖިލީހުގެ ރިޔާސަތަށް ލިބިފައިވާ ކަމަށެވެ. އެހެން ކަމުން އެ ރިޕޯޓް ރިޔާސަތުން އާންމު ކޮމެޓީއަށް ފޮނުވަން ނިންމާފައިވާ ކަމަށް ވިދާޅުވި އެވެ.
އެއީ މަޖިލީހުގެ ކަރާމާތަށް އުނިކަން އަންނަ ގޮތަށް އަމަލުކުުރުމުގެ ފުރުސަތު ނުދިނުމަށާއި މެންބަރުންގެ މަސައްކަތްތަކަށް ހުރަސް އެޅޭ ގޮތަށް ދެން ކަމެއް ވުމުގެ ފުރުސަތު ނުދިނުމަށް ކަމަށް ނާޒިމް ވިދާޅުވި އެެވެ.
އޭގެ އިތުރުން މެހެމާނުން ގޮތުގައި މަޖިލީހަށް ހާޒިރުވާ މީހުން އަމަލު ކުރާނެ ގޮތްތަކެއް ކަނޑައަޅާ އެ އުސޫލާއި ހިލާފުވެއްޖެނަމަ އެޅޭނެ ފިޔަވަޅުތައް ކަނޑައެޅުމަކީވެސް ބޭނުމެއް ކަމަށް ނާޒިމް ވިދާޅުވި އެވެ.
Advertisement
This content is created and paid for by advertisers and does not involve Voice Journalists
