ރައްޔިތުންގެ މަޖިލީހުގެ ހެންވޭރު ދެކުނު ދާއިރާގެ ޕީއެންސީ މެންބަރު ހުސައިން އިމްރާން ލަތީފް, މަޖިލީހުގެ ކޮމެޓީ ރޫމެއްގައި މައިކެއް ހަލާކުކޮށްލި މައްސަލަ ބަލަން ނިންމައިފި އެވެ.
މަޖިލީހުގެ މިރޭގެ ޖަލްސާ ނިންމާލަމުން މަޖިލީހުގެ ނާއިބު ރައީސް އަހްމަދު ނާޒިމް ވިދާޅުވީ މަޖިލީހުގެ މިނިވަން މުއައްސަސާތަކާއި ބެހޭ ކޮމެޓީގައި ދެ މެންބަރެއްގެ މެދުގައި ހިނގި ހަމަނުޖެހުމެއްގައި ސައުންޑް ސިސްޓަމަށް ގެއްލުން ވެފައިވާތީ އެ މައްސަލަ ސުލޫކީ ކޮމެޓީއަށް ފޮނުވަން ނިންމާފައިވާ ކަމަށެވެ.
އިއްޔެ އޮތް ކޮމެޓީ ބައްދަލްވުމުގައި މައިކް ހަލާކުކޮށްލީ ހެންވޭރު ދެކުނު ދާއިރާގެ ޕީއެންސީ މެންބަރު ހުސައިން އިމްރާން ލަތީފް އެވެ. އެ މަންޒަރު ފެންނަ ވީޑިއޯވެސް ވަނީ އާންމުވެފަ އެވެ. ވީޑިއޯ އިން ފެންނަނީ ގަސްތުގައި މައިކް އުފުރާލާ އެއްލާލާ މަންޒަރެވެ.
އެކަމާއި ގުޅިގެން ފާޑުކިޔުން އަމާޒުވުން އޭނާ ވަނީ އެކަން ކުރީ އޭނާ އެކަނި ނޫން ކަމަށް ވިދާޅުވެ ދިފާއުވާން މަސައްކަތް ކޮށްފަ އެވެ. އަދި ލިބުނު ގެއްލުމާއި ގުޅިގެން މައިކް ސެޓް ހެދުމަށް ފައިސާ ދައްކާފައިވާ ކަމަށް ބުނެފައިވެ އެވެ.
Advertisement
This content is created and paid for by advertisers and does not involve Voice Journalists
