މިއަދު ބޭއްވި އަލީބާބާ ވޯކްޝޮޕްގެ ސަޕޯޓިން ޕާޓްނަރެއްގެ ގޮތުގައި އުރީދޫ މޯލްޑިވްސް އިން ބައިވެރިވެއްޖެއެވެ.
ބާސެލޯ ނަސަންދުރަ މާލޭގައި ބޭއްވި އަދި އޮންލައިންކޮށް މުޅި ރާއްޖެއަށް ހުޅުވާލެވިގެން ބޭއްވި މި ވޯކްޝޮޕުގައި، އަލީބާބާ.ކޮމް އަދި އެހެނިހެން އީ-ކޮމާސް ޕްލެޓްފޯމްތައް މެދުވެރިކޮށް ބައިނަލްއަޤްވާމީ މާކެޓްތަކަށް ވާސިލުވުމަށް ބޭނުންވާ މުހިންމު މަޢުލޫމާތާއި، ވަސީލަތްތަކާއި އަދި ސްޓްރެޓެޖީތައް ރާއްޖޭގެ ވިޔަފާރިތަކަށް ފޯރުކޮށްދެވުނެވެ.
އުރީދޫން ބުނި ގޮތުގައި، އެފަދަ ވޯކްޝޮޕްތަކަށް އެހީތެރިކަން ފޯރުކޮށްދިނުމުގެ ތެރެއިން، ދިވެހި ވިޔަފާރިވެރިންނަށް ބައިނަލްއަގްވާމީ ދުނިޔޭގެ ދޮރުތައް ހުޅުވި، އެ ފަރާތްތަކުގެ ޚާއްޞަ އުފެއްދުންތައް ދުނިޔެއަށް ފޯރުކޮށްދިނުމުގެ ފުރުޞަތުތައް ތަނަވަސްކޮށްދިނުމަކީ އެ ކުންފުނިން އެ ހަރަކާތަށް އެހީތެރިވުމުގެ މަޤްސަދެވެ،
އަދި މިކަމަކީ، އޮންލައިން ވިޔަފާރީގެ ފުރުޞަތުތައް އިތުރުކޮށް، އިޤްތިޞާދު ފުޅާކުރުމަށް ސަރުކާރުން ކުރަމުންދާ މަސައްކަތްތަކަށް ފޯރުކޮށްދެވޭ އެއްބާރުލުމުގެ މުހިންމު ފިޔަވަޅެއް ކަމަށް ދެކޭ ކަމަށް ވެސް އެކުންފުނިން ބުންޏެވެ.
އުރީދޫން ބުނި ގޮތުގައި، އެކަމުގެ މުހިންމު ޕާޓްނަރެއްގެ ގޮތުގައި، ދުނިޔޭގެ ފެންވަރުގެ ޑިޖިޓަލް ޙައްލުތަކާއި ޕާޓްނަޝިޕްތައް މެދުވެރިކޮށް، ދުނިޔޭގެ ޑިޖިޓަލް މާކެޓްޕްލޭސްގައި ކުރިއެރުން ހޯދުމަށް ރާއްޖޭގެ ވިޔަފާރިތަކަށް މަގުފަހިކޮށްދިނުމަށް މަސައްކަތްކުރަމުންދާ ކަމަށް ވެސް އުރީދޫން ބުންޏެވެ.
މިއަދު ބޭއްވި ވޯކްޝޮޕަކީ ދުނިޔޭގެ އީ-ކޮމާސްގެ ދާއިރާގެ އެންމެ ކުރީސަފުގައި ހިމެނޭ އަލީބާބާއިން، މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑާއި ގުޅިގެން ބޭއްވި ވޯކްޝޮޕެކެވެ. މި ވޯކްޝޮޕުގައި 260 އަށްވުރެ ގިނަ ދިވެހި ވިޔަފާރިވެރިން ބައިވެރިވެފައިވެއެވެ.
Advertisement
This content is created and paid for by advertisers and does not involve Voice Journalists
