މިމަހުގެ 14ވަނަ ދުވަހު ހިނގި މާރާމާރީއެއްގައި ލިބުނު އަނިޔާތަކަށް އައިޖީއެމްޗްގައި ފަރުވާދެމުންދަނިކޮށް، އޭނާއަށް ފަރުވާދިން މެޑިކަލް އޮފިސަރުންނަށް މަރުގެ އިންޒާރުދީ ބިރުދެއްކި މީހަކު 15 ދުވަހަށް ކްރިމިނަލް ކޯޓުން ބަންދުކޮށްފިއެވެ.

ފުލުހުން މަޢުލޫމާތު ދިން ގޮތުގައި ބަންދުކޮށްފައިވަނީ ގދ. ވާދޫ، ފުރުސަތު، 28 އަހަރުގެ ލޫތު އިބްރާހިމްއެވެ.

ފުލުހުން ހައްޔަރުކުރި ލޫތު އިބްރާހިމް

އޭނާ 15 ދުވަހަށް ބަންދުކޮށްފައިވަނީ މި މަހުގެ 14 ވަނަ ދުވަހު ހިނގި މާރާމާރީއެއްގައި ލިބުނު އަނިޔާތަކަށް އައިޖީއެމްއެޗް އިން ފަރުވާހޯދަމުންދަނިކޮށް، އޭނާއަށް ފަރުވާދިން މެޑިކަލް އޮފިސަރުންނަށް މަރުގެ އިންޒާރުދީ ބިރު ދެއްކުމުގެ އިތުރުން، ޖީބުން ވަޅިއެއް ފެނިފައިވާ މައްސަލައިގައެވެ.

އެ މައްސަލައިގައި އޭނާ ކޯޓު އަމުރެއްގެ ދަށުން ހައްޔަރުކޮށްފައިވަނީ މިދިޔަ ހުކުރު ދުވަހުގެ ވަގުތެއްގައެވެ. އަދި އެ މައްސަލައިގައި ކޯޓަށް އޭނާ ހާޟިރުކުރުމުން، 15 ދުވަހަށް ބަންދުކުރުމަށް ކްރިމިނަލް ކޯޓުން ވަނީ އަމުރުކޮށްފައެވެ.

އެ މައްސަލަ ފުލުހުން ގެންދަނީ ތަޙުޤީގުކުރަމުންނެވެ.