ޕާސްޕޯޓް ހެއްދުމަށްފަހު ހަވާލުނުވެ ގިނަދުވަސްވަމުންދާ މައްސަލަ ބޮޑުކަމަށް މޯލްޑިވްސް އިމިގްރޭޝަނުން ފާހަގަކޮށްފިއެވެ.

އިމިގްރޭޝަނުން ބުނީ، ޕާސްޕޯޓް ހެއްދުމަށްފަހު ހަވާލުވާން ނައިސް ގިނަދުވަސްވަމުންދާކަމަށް ފާފަހަކުރެވޭކަމަށެވެ. އެ އިދާރާއިން ވަނީ  ޕާސްޕޯޓް ހެއްދުމަށްފަހު ހަވާލުނުވެ، 6 މަސް ދުވަހަށް ވުރެ ގިނަދުވަސް ވެފައިވާ ފަރާތް ތަކުން، މިއަހަރު ނިމުމުގެ ޕާސްޕޯޓް ނެގުމަށް އިލްތިމާސްކޮށްފައެވެ.

އަދި މިއަހަރުގެ ޑިސެމްބަރުމަހުގެ 31 ވަނަ ދުވަހުގެ ނިޔަލަށް، ޕާސްޕޯޓާއި ހަވާލުނުވާ ފަރާތްތަކުގެ ޕާސްޕޯޓުތައް އުސޠޫލްތަކުގެ މަތިން ކެންސަލްކުރެވޭނޭކަމަށްވެސް އިމިގްރޭޝަނުން ބުންޏެވެ.

ޕާސްޕޯޓް ހެއްދުމަށްފަހު ނުނަގާ މައްސަލަ އިތުރުވަމުންދާކަމަށް އިމިގްރޭޝަނުން ފާހަގަކޮށްފައިވާއިރު، ސަރުކާރުން މިހާރުވެސް ވަނީ 14 އަތޮޅަކުން ޕާސްޕޯޓްގެ ހިދުމަތްދޭން ފަށާފައެވެ. މީގެ ބޭނުމަކީ ރަށްތަކުގެ މީހުން މާލެ އަންނަން ނުޖެހި ރަށާ ވީހާވެސް ކައިރިން ޕާސްޕޯޓް ހެއްދޭނެ އިންތިޒާމްތައް ހަމަޖެއްސުމެވެ. 

މީގެ ކުރިން އަތޮޅުތެރޭގެ ގިނަ ފަރާތްތަކަކުން ޕާސްޕޯޓް ހެއްދުމަށް ސްކޫލް ބަންދުގައި ދަތުރުހަދައިގެން މާލެ އަންނަކަން ފާހަގަކޮށްލެވެއެވެ.