ކުޑަކުދިންނަށް ހާއްސަކޮށް ރަންނަމާރީގެ މުޅީން ތަފާތު ވާހަކަ ފޮތެއް ނެރެފިއެވެ. 

މިދިޔަ ބުދަ ދުވަހު ދިވެހިރާއްޖެ އިސްލާންވީ ދުވަހާ ދިމާކޮށް މި ފޮތް ނެރެފައިވަނީ، ކުޑަކުދިން ޝައުގުވެރި ވާނޭ ފަދަ މަންޒަރުތައް ހިމަނައިގެންނެވެ. 24 ސަފްޙާގެ މިފޮތް ނެރެފައިވަނީ އިންސްޓަގްރާމްގައި ކުޑަކުދީންގެ ފޮތްތައް ވިއްކާ ޕޭޖަކުންނެވެ.

މި ފޮތުގައި ކުޑަކުދިންނަށް ރައްނަމާރީގެ ވާހަކަ އައު ގޮތަކަށް ހުށަހަޅައިދީފައިވާއިރު، ޕީޖީ ރޭޓިންގ ދީފައިވާ މި ފޮތަކީ ހުރިހާ ކުޑަކުދިންނަށްވެސް ކިޔަން އެކަށީގެންވާ ފޮތެއްކަމަށް ފޮތުގެ މުސައްނިފް ޒަހީން ދޮންމަނިކް ބުންޏެވެ.

ފޮތާ ބެހޭގޮތުން އިތުރަށް ވާހަކަ ދައްކަމުން ޒަހީން ބުނީ ފޮތުގެ ކޮންޓެންޓް ރިވިއުކޮށް ފާސްކުރުމުގައި ގިނަ ބައެއްގެ ޚިޔާލާއި އެހީ ލިބުނު ކަމަށެވެ. އޭގެ ތެރޭގައި ދިވެހި ބަހުގެ އެކަޑަމީގެ ކުރީގެ ރައީސް އަޝްރަފް އަލީ އަދި ލިޔުންތެރިޔާ ހަސަން ޝާކިރު މުޙައްމަދު ހިމެނެއެވެ.

މި ފޮތުގެ އަގަކީ 115 ރުފިޔާއެވެ. ނަމަވެސް ފުރަތަމަ 100 ކަސްޓަމަރުންނަށް ޚާއްސަ އަގަކަށް 95 ރުފިޔާއަށް މިހާރު މި ފޮތް ލިބެން ހުރިއިރު، މާލެ، ހުޅުމާލެ އަދި ބޯޓުފަހަރަށް ހިލޭ ޑެލިވަރީ ކޮށްދިނުމަށް ވަނީ ހަމަޖެހިފައެވެ. ފޮތް އޯޑަރުކުރެވޭނީ ހަށަނަރަ އިންސްޓަގްރާމް hashanara.mv@ އަދި ފޭސްބުކް މެދުވެރިކޮށް ނުވަތަ 9996465 އަށް ގުޅުއްވައިގެންނެވެ.