ރާއްޖޭގެ ހާފިޒުންގެ އަދަދު 284 އަރައިފި އެވެ.

އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު ވިދާޅުވީ އެ މިނިސްޓްރީގެ އަމާޒަކީ ރައީސް މުޢިއްޒުގެ މި ދައުރުގައި ހާފިޒުންގެ އަދަދު 500 އަށް ގެންދިއުން ކަމަށެވެ. މިނިސްޓަރު ވަނީ ހާފިޒުންގެ އަދަދު އިތުރުކޮށް ގުރުއާނަަށް ލޯބިކުރާނެ ޖީލެއް ބިނާކުރުމަށް ހިތްވަރު ދެއްވުމަށް ރައީސް ވަނީ ހާފިޒުންގެ އެލަވަންސް މިދިޔަ ޖޫން މަހު އިތުރުކޮށް ދެއްވާފައިކަން ފާހަގަ ކުރައްވާފަ އެވެ.

މިނިސްޓަރު ޝަހީމް ވިދާޅުވި ގޮތުގަައި މިހާރުވެސް 1500 ވުރެ ގިނަ މީހުން / ކުދީން ދަނީ ގުރުއާން ހިތުން ދަސްކުރަމުންނެވެ. އޭގެ ތެރޭގައި ގިނައީ ކުޑަކުދީންނާއި ޒުވާނުން ކަމަށް ވިދާޅުވި އެވެ. އޭގެ ތެރެއިން ގިނަ މީހުން ޤުރުއާންހިތު ދަސް ކުރަމުން ދަނީ ގުރުއާނާއި ބެހޭ މަރުކަޒުގަ އެވެ. ދެން އެންމެ ގިނައީ ޢިލްމު އިންސްޓިޓިއުޓްގައި ޤުރުއާން ހިތުދަސް ކުރަމުންދާ މީހުންނެވެ.

މިނިސްޓަރު ޝަހީމް ވިދާޅުވި ގޮތުގައި ހާފިޒުން އުފެއްދުމަށް ސަރުކާރުން ވަރަށް ބޮޑު އިސްކަމެއް ދެއްވަ އެވެ. އެކަމުގެ ނަތީޖާ ވެސް ދަނީ ފެންނަމުންނެވެ.

އެގޮތުން އަންނަ އަަހަރު އޮންނަ ހާފިޒުންގެ ދަސްވެނިވުމުގެ ހަފްލާގައި 50އާ ގާތްކުރާ އަދަދަކަށް ހާފިޒުން ދަސްވެނިވާނެ ކަމަށް ބެލެވެ އެވެ. އެއީ މިދިޔަ އަހަރާއި އަޅާ ބަލާއިރު ދެ ގުނަ އިތުރު އަދަދެކެވެ. މިދިޔަ އަހަރު އެ އަދަދު ހުރީ 24 ގަ އެވެ.

މިނިސްޓަރުގެ އަމާޒަކީ އަދި އުންމީދަކީ އަހަރަކު 100 ހާފިޒުން ދަސްވެނިވާނެ މިންވަރަށް އެ މަސައްކަތް ފުޅާކުރުމެވެ. އެކަމަށް މަގު ފަހި ކުރުމަށް ޤުރުއާން ހިތުދަސްކުރާ އަމިއްލަ ކުލާސްތައް ހިންގާ ފަރާތްތަކަށް ވެސް ދަނީ އެހީތެރިކަން ފޯރުކޮށް ދެމުންނެވެ.