ބާރު ފެށިގެން އަންނަނީ ރައްޔިތުންނާއި ހަމައިން ކަމަށާ އެމްޑީޕީން މިރޭ މުޒާހާރާއަށް ނިކުންނަނީ އެ ބާރުގައި ކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެ އެވެ.
އިދިކޮޅު މައި ޕާޓީ -- އެމްޑީޕީން މިރޭ ބޮޑު މުޒާހަރާއަކަށް ނިކުންނަން ދަނީ ތައްޔާރުވަމުންނެވެ. މިރޭގެ އެއްވުން އޮތީ އާޓީފިޝަލް ބީޗުގަ އެވެ. މިރޭގެ މުޒާހަރާއަށް އެ ޕާޓީން ދަނީ ވަރަށް ބޮޑަށް ތައްޔާރުވަމުންނެވެ.
އިދިކޮޅު ޕާޓީއެއްގެ ގޮތުގަައި ހަރަކާތްތެރިވާން ފެށި ފަހުން ބާއްވާ އެންމެ ބޮޑު ރެލީއަށް އެެމްޑީޕީން ވަމުންދާ ތައްޔާރީތަކާއި ގުޅޭގޮތުން ޝާހިދު ވިދާޅުވީ ރައްޔިތުން ނިކަމެތި ކޮށްލުމަށް އެންމެ ފުރަތަމަ މި ސަރުކާރުން ކޮށްފައި އޮތް ކަމަކީ ރައްޔިތުންގެ އަޑު ކަނޑާލުން ކަަމަށެވެ.
"..ރައްޔިތު މީހާގެ ކަރުގަ އެހިއްޕެވީ. ރައްޔިތުންގެ އަޑު ނުކުންނާނެ އެއްވެސް ގޮތެއް ނެތް. ބާރު ފެށިގެން އަންނަނީ ރައްޔިތުންނާއި ހަމައިން. އެ މާއްދާއިން ބާރު ލިބިގެން އަޅުގަނޑުމެން މި ނުކުންނަނީ," މިރޭގެ މުޒާހަރާއާ ގުޅޭގޮތުން ޝާހިދު ވިދާޅުވި އެވެ.
ޝާހިދު ވަނީ މިރޭގެ މުޒާހާރާގައި ގިނަ ބަޔަކު ބައިވެރިވުމަށް އެދިފަ އެވެ.
Advertisement
This content is created and paid for by advertisers and does not involve Voice Journalists
