މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނުގެ އިންތިޚާބަށް ކުރިމަތިލުމުގެ ފުރުސަތު މިއަދުގެ ހަމަވިއިރު މި އިންތިހާބުގެ ކެންޑިޑޭޓުންގެ ގޮތުގައި ކުރިމަތިލުމަށް ފޯމު ހުށަހަޅާފައިވަނީ ހަ މީހަކު ކަމަށް އިލެކްޝަންސް ކޮމިޝަނުން ބުނެފި އެވެ.
އެ ކޮމިޝަނުން މިރޭ ބުނީ ބްރޯޑްކާސްޓަރުން ތަމްސީލް ކުރާ މެންބަރުންގެ މަގާމަށް ހަތަރު މީހަކު ފޯމު ހުށަހަޅާފައިވާ ކަމަށެވެ. މީގެ ތެރެއިން ތިން މީހެއްގެ ކެންޑިޑަސީ ވަނީ ގަބޫލުކޮށްފައެވެ. އަދި އެކެއްގެ ކެންޑިޑެސީ ގަބޫލުކޮށްފައިނުވާ ކަމަށް ވަނީ ބުނެފަ އެވެ.
އިލެކްޝަންސް ކޮމިޝަނުން ބުނީ ކެންޑިޑެސީ ގަބޫލުކޮށްފައި ތިން މީހުންގެ ތެރެއިން އެކަކު ނަން އަނބުރާ ގެންދިއުމަށް އެދި ހުށަހަޅާފައިވާ ކަމަށެވެ.
އެހެނިހެން މީޑިއާތައް ތަމްސީލް ކުރާ މެންބަރުންގެ މަގާމަށް ދެ މީހަކު ވަނީ ފޯމު ހުށަހަޅާފައެވެ. މީގެ ތެރެއިން އެކެއްގެ ކެންޑިޑަސީ ވަނީ ގަބޫލުކޮށްފައި. އަދި އަނެއް މީހާގެ ކެންޑިޑަސީ ގަބޫލުކޮށްފައިނުވާ ކަމަށް ވަނީ ބުނެފަ އެވެ.
Advertisement
This content is created and paid for by advertisers and does not involve Voice Journalists
