މޯލްޑިވްސް އެއަރޕޯޓްސް ކޮމްޕެނީ ލިމިޓެޑްގެ ބޯޑުގެ އެގްޒެކްޓިވް މެމްބަރުގެ މަގާމަށް ބޭފުޅަކު އައްޔަނު ކުރައްވައިފި އެވެ.

އެކަން ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީން) އިން ވަނީ ހާމަކޮށްފަ އެވެ. އެ ބޯޑުން ބުނީ މޯލްޑިވްސް އެއާޕޯޓްސް ކޮމްޕެނީ ލިމިޓެޑްގެ ބޯޑުގެ އެގްޒެކްޓިވް މެމްބަރުގެ މަގާމަށް ގއ. ދާންދޫ، މުޝްތަރީގޭ މުޖްތަބާ ލަތީފް ވަނީ އައްޔަނުކޮށްފައިވާ ކަމަށެވެ.

މުޖްތަބާ ހުންނެވީ އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރު ކަމުގަ އެވެ.

އެނގިފައިވާ ގޮތުގައި މި ބަދަލު ގެނައިރު ބޯޑްގައި ހިމެނޭ މުހައްމަދު ރިޔާޒު (ލެޓްސް ގޯ ރިޔާޒު) ވަނީ ބޯޑުން ވަކިކުރައްވާފަ އެވެ. އެކަން އަދި ޕީސީބީން އިއުލާނެއް ނުކުރެ އެވެ.

އެމްއޭސީއެލްގެ ބޯޑްގައި ހިމެނެނީ އައިޝާ ނޫރްއިން ޖަނާހް އާއި އެމްއޭސީއެލްގެ މެނޭޖިން ޑިރެކްޓަރު އިބްރާހިމް ޝަރީފް މުހައްމަދާއި އިބްހީރާހިމް ސިޔާދު ޤާސިމންގެ އިތުރުން އިބްރާހިމް މަހްދީއާ ސަހާ ވަހީދެވެ. ބޯޑްގެ ޗެއާޕާސަން އަކީ އައިޝާ ނޫރްއިން ޖަނާހް އެވެ.

މީގެ އިތުރުން ބޯޑް މެންބަރުންގެ އަދަދު ހަތަކުން ނުވަޔަކަށް އިތުރުކޮށްފައިވާ ކަމަށް ވެސް އެނގިފައިވެ އެވެ.