މާލޭގެ އެމްޕީއެލް ބަނދަރާއި ދިމާ ބޭރުގައި އޮތް ކޮޅުވެއްޓިއެއް ބަންޑުންޖަހާލި ހާދިސާގައި މިހާތަނަށް ހަ މީހަކަށް އައިޖީއެމްއެޗްގައި ފަރުވާދެމުންދާ ކަމަށް ފުލުހުން ބުނެފިއެވެ.
ފުލުހުން ބުނި ގޮތުގައި އެ ޙާދިސާގައި އަނިޔާވެގެން ފަރުވާދެމުންދަނީ ދެ ބިދޭސީންނާއި ހަތަރު ދިވެހިންނަށެވެ.
އެމްއެންޑީއެފް މީގެ ކުރިން ބުނި ގޮތުގައި އެ ހާދިސާ ހިނގި އިރު، ބަންޑުންޖަހާލި ލޭންޑިންކްރާފްޓްގެ ތެރޭގައި މީހަކު ހުރި ކަމުގެ މަޢުލޫމާތު ލިބިގެން އެ މީހާ ހޯދުމަށް އެމްއެންޑީއެފް ކޯސްޓްގާޑުގެ ޑައިވަރުން ކުރި މަސައްކަތުން، އެ މީހާގެ ވަނީ އުޅަނދުގެ ތެރެއިން ނަގާފައެވެ. އެ މީހާއަށް ވެސް އައިޖީއެމްއެޗްގައި ދަނީ ފަރުވާދެމުންނެވެ.
ކޮޅުވެއްޓި ބަންޑުން ޖަހާލީ ސީދާ ކީއްވެގެންކަމެއް އަދި ސާފެއް ނުވެއެވެ. މީގެ ކުރިން ކޮޅުވެއްޓި ބަންޑުން ޖަހާލުމުގެ ހާދިސާތަކުގައި އިއާދަނުކުރެވޭ ވަރުގެ ގެއްލުންތައް ލިބިފައި އެބަހުއްޓެވެ. އެގޮތުން މިދިޔަ މޫސުމީ ވިއްސާރާގައި ކޮޅުވެއްޓިއެއް ބަންޑުން ޖަހާލައި ދިވެއްސަކާއި ދެ ބިދޭސީއެއްގެ ފުރާނަ ގެއްލުނުކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
