މާލެއަކީ ވަކި ބައެއްގެ ރަށެއް ނޫން، ބިން ދޫކުރަން ރަނގަޅީ "ވެށިފަހިމާލެ" ޕްރަގްރާމްގެ ދަށުން: ނަޝީދު
މާލޭގެ ބިން ދޫކުރުން އެންމެ ރަނގަޅީ "ވެށިފަހިމާލެ" ޕްރަގްރާމްގެ ދަށުން ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
އެމަނިކުފާނު މިހެން ވިދާޅުވީ ފޭސްބުކްގައި މިއަދު ކުރެއްވި ޕޯސްޓެއްގަ އެވެ. މާލެ ބިމުގެ ބަހުސް އެބަ ހިނގާ ކަން ފާހަގަ ކުރައްވާ ނަޝީދު ވިދާޅުވީ ޒަމާނުއްސުރެ މާލެ އަކީ ވަކި ބައެއްގެ ރަށެއް ނޫންކަން އެމަނިކުފާނުގެ "ކިލާމާލެ" ފޮތުގައި ބަޔާންކޮށްފައިވާނެ ކަމަށެވެ.
"މިސާލަކަށް 1750 ގައި މާލެ ބޯހިމެނުމުގައި ފެންނަނީ މާލޭގައި ގިނައިން ދިރިއުޅެނީ ސަރަހައްދީ ކަރަތަކުގެ މީހުންނާއި ރާއްޖޭގެ އެކި ރަށްރަށުގެ މީހުން ކަން. މިހާރު ކެލާގެއިން ފެށިގެން މާވެޔޮއަތިރިއާ ހަމަައަށް އެއީ ކެލާ އެދުރުކަލޭފާނުގެ ގޯތި. އައްޑޫ ސިއްކަ ގެ އެއީ މިހާރުގެ ސިއްކަގެ އިން ފެށިގެން މާލޭ އުތުރު އަތިރިއަށް. މާލޭގައި ކޮންމެ ރަށަކަށްހެން ގެއެއް ހުންނާނެ. 1750 ގައި ގިނަވާނީ ބަބުރުން, މަލަބާރުން, ތުރުކީ އަދި މިހެން ގޮސް މި ބާވަތުގެ ސަަރަހައްދީ ރަށްރަށުގެ މީހުން," ރައީސް ނަޝީދު ލިޔުއްވާފައިވެ އެވެ.
ނަޝީދު ވިދާޅުވީ މާލޭގެ ބިން ދޫކުރުން އެންމެ ރަނގަޅީ "ވެށިފަހިމާލެ" ޕްރަގްރާމްގެ ދަށުން ކަމަށެވެ. އެއީ އެމަނިކުފާނުގެ ވެރިކަމުގައި ފެއްޓެވި ޕްރަގްރްމާކެވެ. އެ ޕްރަގްރާމްގެ ދަށުން ހުޅުމާލެ އިން ގޯތި ދޫކުރީ މާލެއިން ލިބިފައިވާ ބިންކޮޅު ދޫކޮށްލުމުންނެވެ.
އެމަނިކުފާނު އިތުރަށް ވިދާޅުވީ މާލެ މީހުންނަށް ވެސް އެހެން ރަށްރަށުން ބިން ލިބޭނެ ގޮތް ވުން ބޭނުންތެރި ކަަމަށެވެ.
މިދިޔަ ސަރުކާރުގައި މާލެ މީހުންނަށް ގޯތި ދިނުމުގެ ސިޔާސަތުގެ ދަށުން ހުޅުމާލެއާ ގުޅިފަޅާއި ގިރާވަރުފަޅުން ގޯތިތަކެއް ދޫކޮށްފަ އެވެ. ނަމަވެސް ހުޅުމާލެއިން މަދު ބަޔަކަށް ގޯތި ދިނުމާއި އެހާ އަގުބޮޑު ބިމަކުން ގޯތި ދިނުމުން އާންމުންގެ މެދުގައި ބޮޑު ކަންބޮޑުވުމެއް އެެބަ އޮތެވެ.
Advertisement
This content is created and paid for by advertisers and does not involve Voice Journalists
