އައްޑޫގައި ފްލެޓެއްގެ ދެވަނަ ބުރީން ވެއްޓުނު އަންހެން ކުއްޖަކަށް އައިސީޔޫގަައި ފަރުވާ ދޭން ފަށައިފި އެވެ.

ފުލުހުން ބުނީ އައްޑޫ ސިޓީ ހިތަދޫ، ފްލެޓް ނަންބަރު 14ގެ ދެވަނަ ފަންގިފިލާއިން ކުއްޖަކު ވެއްޓިފައިވާ ކަމަށެވެ.

އެ ރިޕޯޓް ލިބުނީ ރޭ 12:00 އެހާކަންހާއިރު ކަމަށް ވެސް ބުންޏެވެ:

ވެއްޓިފައި ވަނީ 15 އަހަރުގެ އަންހެން ކުއްޖެކެވެ. އެ ކުއްޖާއަށް އައްޑޫ އިކުއަޓޯރިއަލް ހޮސްޕިޓަލްގެ އައިސީޔޫގައި ދަނީ ފަރުވާ ދެމުންނެވެ.

ފުލުހުން ބުނި ގޮތުގައި އެ ހާދިސާއާ ގުޅިގެން ތަހުގީގެއް ވަނީ ފަށާފަ އެވެ.