މިދިޔަ ދެ ދުވަހު ހުޅުމާލޭން 47 ވެހިކަލެއް ޓޯކޮށް 18 ވެހިކަލެއް ޖޫރިމަނާ ކޮށްފި އެވެ.

ފުލުހުން ދަނީ ‏ހުޅުމާލޭގެ މަގުތަކުގައި އާންމު ދަތުރު ފަތުރަށާއި ހިނގާބިގާވެ އުޅުމަށް ދަތިވާގޮތަށް ޕާކްކޮށްފައި ހުންނަ އުޅަނދުތައް ޓޯވ ކުރުމަށާއި މަގުމަތީގެ ސަލާމަތާއި ރައްކާތެރިކަން ކަށަވަރު ކުރުމަށް ހާއްސަ މަސައްކަތްތަކެއް ކުރަމުންނެވެ.

އެ މަސައްކަތުގެ ދަށުން ފާއިތުވި 48 ގަޑިއިރުގެ ތެރޭގައި އަޅާފައިވާ ފިޔަވަޅުތަކުގެ ތަފާސް ހިސާބުތައް ވަނީ އާންމުކޮށްފަ އެވެ.

އެގޮތުން 47 ވެހިކަލެއް ވަނީ ޓޯ ކޮށްފަ އެވެ. އެއީ 46 ސައިކަލާއި ކާރެކެވެ. އޭގެ ތެރެއިން 38 ވެހިކަލެއް ޓޯ ކުރީ ގަވާއިދާ ހިލާފަށް ޕާކުކޮށްގެންނެވެ. އަދި ލައިސަންސް ނެތި ދުއްވައިގެން 8 ވެހިކަލެއްް ޓޯ ކުރިއިރު ނުރައްކާތެރިކޮށް ދުއްވައިގެންނާއި އެހެނިހެން މައްސަލަތަކުގައި ތިން ވެހިކަލެއްް ޓޯ ކުރި އެވެ.

މީގެ އިތުރުން 18 ވެހިކަލެއް ވަނީ ޖޫރިމަނާ ކޮށްފަ އެވެ. އެއީ ދެ ފޮރުޅުލީ 16 ވެހިކަލަކާއި ހަތަރު ފުރޮޅުލީ ދެ ވެހިކަލެކެވެ.