މޯލްޑިވްސް އެއާޕޯޓްސް ކޮމްޕެނީ ލިމިޑެޓްގެ ޑިރެކްޓަރުންގެ ބޯޑުގެ މެންބަރުކަމަށް ބޭފުޅަކު އައްޔަނު ކުރައްވައިފި އެވެ.
ކުންފުނިތަކުގެ ބެލެނިވެރި ފަރާތް -- ޕީސީބީން މިއަދު ބުނީ މޯލްޑިވްސް އެއާޕޯޓްސް ކޮމްޕެނީ ލިމިޑެޓްގެ ޑިރެކްޓަރުންގެ ބޯޑުގެ މެންބަރުކަމަށް، ހުޅުމާލެ ގޯތި ނަންބަރ 10718 އޯކިޑްހިޔާ، ޖަމީލް އުސްމާން ވަނީ އައްޔަނުކޮށްފައި ކަމަށެވެ.
ޖަމީލް އުސްމާން ވަނީ ރައްޔިތުންގެ މަޖިލީހުގެ މެންބަރު ކަން ކުރައްވާފަ އެވެ. ޕީޕީއެމްގެ މެންބަރެއްގެ ގޮތުގައި އޭނާ ފުރުއްވީ ގެމަނަފުށީ ދާއިރާގެ މެންބަރު ކަމެވެ. އޭނާ ވަނީ 2019 ވަނަ އަހަރުވެސް މަޖިލީސް އިންތިހާބުގައި އަމިއްލަ ގޮތުންް ވާދަކުރައްވާފަ އެވެ. އެ ފަހަރު ނާކާމިޔާބީއާ ކުރިމަތިލާން ޖެހުނެވެ.
ޖަމީލް އުސްމާން, އެމްއޭސީއެލްގެ ޑިރެކްޓަރުންގެ ބޯޑަށް އައްޔަނު ކުރެއްވިއިރު އެ ބޯޑްގައި ކުރީން ހިމެނިވަޑައިގަތް މުހައްމަދު ރިޔާޒު (ލެޓްސް ގޯ ރިޔާޒު) މީގެ ކުރީން ވަނީ ވަކިކުރައްވާފަ އެވެ. އަދި ބޯޑުގެ އެގްޒެކްޓިވް މެމްބަރުގެ މަގާމަށް ގއ. ދާންދޫ، މުޝްތަރީގޭ މުޖްތަބާ ލަތީފް ވަނީ އައްޔަނުކޮށްފައިވާ ކަމަށެވެ.
މުޖްތަބާ ހުންނެވީ އެމްއޭސީއެލްގެ ޑެޕިއުޓީ މެނޭޖިން ޑިރެކްޓަރު ކަމުގަ އެވެ.
Advertisement
This content is created and paid for by advertisers and does not involve Voice Journalists
