މޫސުން ވަރަށްބޮޑަށް ގޯސްވާނެކަމަށް ލަފާކޮށް ޅ.އަތޮޅުން ފެށިގެން އދ އަށް ޔެލޯ އެލާޓް ނެރެފިއެވެ.
މޯލްޑިވްސް މީޓިއޮލޮޖިކަލް ސެންޓަރުން ޅ އަތޮޅުން އދ އަތޮޅަށް ޔެލޯ އެލާޓް ނެރެފައިވަނީ މެންދުރުފަހު 14:30 ހުން ފެށިގެން އިރުއޮއްސި 18:30 ގެ ނިޔަލަށެވެ. މެޓުން ބުނީ ޔެލޯ އެލާޓް ނެރެފައިވާ ސަރަހައްދަށް އެވަގުތުތަކުގައި 40 މޭލަށް ވައިގަދަވާނޭކަމަށެވެ. އަދި ކަނޑުތައް ވަރަށް ގަދަވާނޭކަމަށްވެސް ވަނީ ލަފާކޮށްފައެވެ.
މޫސުން ގޯސްވާނޭކަމަށް ލަފާކުރި ސަރަހައްދަކީ ރާއްޖޭގައި ކަނޑުދަތުރުފަތުރުގެ ހަރަކާތް އެންމެ ގިނަ ސަރަހައްދެވެ. އެގޮތުން ކޮންމެ ދުވަހަކުވެސް މާލެ އާއި އެ ސަރަހައްދުތަކުގެ ރަށްތަކާ ދެމެދު ވަރަށް ގިނައިން ލޯންޗު ދަތުރުތައް ކުރެއެވެ.
މިދުވަސްވަރަކީ މޫސުން ގޯސް ދުވަސްވަރެއްކަމުން ކަނޑު ދަތުރުފަތުރު ކުރާ ފަރާތްތަކުން މޫސުމަށް ސަމާލުކަންދީގެން ދަތުރުކުރުމަށް ކަމާބެހޭ ފަރާތްތަކުން ވަނީ އިލްތިމާސްކޮށްފައެވެ. މެތް އޮފީހުން ވަނީ ކުރިއަށްއޮތް ދުވަސްތަކުގައި ވިއްސާރަވާނޭކަމަށް ލަފާކޮށް މޫސުމަށް ސަމާލުވުމަށް އެދިފައެވެ.
Advertisement
This content is created and paid for by advertisers and does not involve Voice Journalists
