ހޮންކޮންގައި ނުރައްކާތެރި އަލިފާނުގެ ހާދިސާއެއް ހިނގައި 4 މީހަކު މަރުވެއްޖެއެވެ.
އަލިފާނުގެ މި ހާދިސާ ހިނގާފައިވަނީ ހޮންކޮންގގެ ޓައި ޕޯ ޑިސްޓްރިކްޓްގައި ހުންނަ ވަންގް ފުކް ކޯޓް ރެޒިޑެންޝަލް ކޮމްޕްލެކްސް ގައެވެ. މި ހާދިސާގައި 4 މީހަކު މަރުވިއިރު، ފިހިގެން 9 މީހަކު ވަނީ ހޮސްޕިޓަލް ގައި އެޑްމިޓްކޮށްފައެވެ. މީގެ ތެރެއިން ބައެއް މީހުންގެ ހާލު ސީރިއަސްކަމަށް ރިޕޯޓްތައް ބުނެއެވެ. މި ހާދިސާގައި މަރުވި މީހުންގެ ތެރޭގައި އަލިފާންގަނޑު ނިންމުމުގެ މަސައްކަތުގައި އުޅުނު ފަޔަރފައިޓަރެއް ހިމެނެއެވެ. މީގެ އިތުރު ފަޔާފައިޓަރަކަށް ވަރަށްބޮޑަށް އަނިޔާވެ ހޮސްޕިޓަލުގައި އެޑްމިޓްކޮށްގެން ދަނީ ފަރުވާދެމުންނެވެ.
އަނދަމުްނދިޔަ އިމާރާތްތަކުގައި އަދިވެސް މަދުވެގެން 13 މީހުން ތާށިވެފައި ތިބި ކަމަށް އެޤައުމުގެ ބައެއް މީޑިއާތަކުން ވަނީ ރިޕޯޓްކޮށްފައެވެ. މީގެ ތެރޭގައި އުމުރުން ދުވަސްވީ މީހުންނާއި ތުއްތު ކުދިން ވެސް ހިމެނެއެވެ. ނަމަވެސް މި އިމާރާތްތަކުގައި ތާށިވެފައި ތިބި މީހުންގެ ސިދާ އަދަދެއް އަދި ޔަގީން ނުވާކަމަށް ރިޕޯޓްތައް ބުނެއެވެ.
މި އަލިފާންގަނޑުގެ ޚަބަރު ޗައިނާގެ ފަޔަރ ސާވިސަސް ޑިޕާޓްމަންޓަށް ރިޕޯޓްކޮށްފައިވަނީ އެގައުމުގެ ގަޑިން މެންދުރު 2:15 ހާއިރެވެ. މި އަލިފާންގަނޑު ވަނީ އަލިފާނުގެ ހާދިސާތަކުގައި ދެވަނައަށް އެންމެ މަތީ ދަރަޖައި (ލެވެލް 4) ގެ އަލިފާނުގެ ހާދިސާއެއް ކަމަށް ނިންމާފައެވެ.
އަލިފާނުގެ ހާދިސާ ހިނގި އިމާރާތްތަކުގައި 4600 މީހުން ދިރިއުޅެމުންދާއިރު،. މި ހާދިސާގެ ސަބަބުން ގެދޮރުވެރިކަން ގެއްލިފައިވާ ރައްޔިތުންނަށް ވަގުތީ ބޯހިޔާވަހިކަން ވަނީ ދީފައެވެ. މި އަލިފާންގަނޑު ރޯވާން މެދުވެރިވި ސަބަބެއް އަދި ހޯދިފައެއް ނުވެއެވެ.
Advertisement
This content is created and paid for by advertisers and does not involve Voice Journalists
