ސްރީލަންކާއަށް އެހީވުމަށް ޕާކިސްތާނުން ފޮނުވާ ހާއްސަ ރެސްކިއުޓީމް މިއަދު ކޮލަމްބޯއަށް ގޮސްފިއެވެ.
ޕާކިސްތާނުން ސްރީލަންކާއަށް ރެސްކިއު ޓީމެއް ފޮނުވާފައިމިވަނީ، އެޤައުމަށް އެރި ތޫފާނާއި ވެހުނު ބޯވާރޭގައި ފެންގަނޑު ބޮޑުވެ ކޯރުތައް ބަންޑުންވުމުގެ ސަބަބުން ހިނގާދިޔަ ހާދިސާތަކާ ގުޅިގެން އެހީވުމަށެވެ. ޕާކިސްތާނުން ބުނެފައިވަނީ ރެސްކިއުޓީމްގައި 67 މެމްބަރުން ހިމެނޭއިރު، ރެސްކިއުޓީމް ފޮނުވާފައިވަނީ ހާއްސަ އާލާތްތަކާއެކު ކަމަށެވެ.
އެގޮތުން ރެސްކިއުޓީމާއެކު ކޮންމެހެން ބޭނުންވާ 6 ޓަނުގެ ތަކެތި ފޮނުވިކަމަށް ޕާކިސްތާނުން ވަނީ ބުނެފައެވެ. ފޮނުވި ތަކެތީގެ ތެރޭގައި އުސްތަންތަނަށް އެރުމަށް ބޭނުންކުރާ ވަސީލަތްތަކާއި، ޓެންޓާއި ލައިފްޖެކެޓް، ބްލެންކެޓް އަދި ކުޑަކުދިންނަށް ބޭނުންވާ އެކިއެކި ތަކެއްޗާއި ކާނާ ހިމެެނެއެވެ.
ޕާކިސްތާނުން ރެސްކިއުޓީމާއި އެހީގެ ތަކެތި ފޮނުވާފައިވަނީ ސިފައިންގެ އެއާ ކްރާފްޓެއްގައެވެ. ޕާކިސްތާނު ސަރުކާރުން ބުނެފައިވަނީ އިންޑިއާގެ ވައިގެ ސަރަހައްދަށް ވަދެވޭގޮތަށް އިންތިޒާމްތައް ހަމަޖެހިފައި އޮތްނަމަ އެހީގެ ތަކެތި އަވަހަޑް ފޮނުވުނީސްކަމަށެވެ. ނަމަވެސް އިންޑިއާއިން މިކަމުގައި އުނދަގޫތަކެއް ކޮށްފައިވާކަމަށް ޕާކިސްތާނު ސަރުކާރުން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
