އަދާލަތު ޕާޓީގައި ތިބި މެމްބަރުންގެ އަދަދު މަދުވުމާ ގުޅިގެން އަންނަ އަހަރު ދައުލަތުގެ ބަޖެޓުން ފައިސާދޭ ޕާޓީތަކުގެ ލިސްޓުން އެޕާޓީގެ ނަން އުނިވެއްޖެއެވެ.
އިލެކްޝަނުން ބުނީ އަންނަ އަހަރަށް ކަނޑައަޅާ ދައުލަތުގެ ބަޖެޓުން ފައިސާ ލިބޭ ލިސްޓަށް ޝަރުތުހަމަވެފައިވަނީ 4 ޕާޓީ ކަމަށެވެ. އިލެކްޝަނުން އާއްމުކުރި ޝަރުތުހަމަވާ ލިސްޓަށް ބަލާއިރު އަދާލަތު ޕާޓީ ވަނީ ފައިސާ ލިބޭ ލިސްޓުން އުނިވެފައެވެ. ދައުލަތުގެ ބަޖެޓުން އެއަހަރަކަށް ކަނޑައަޅާ އަދަދު ފައިސާ ލިބޭނީ އެ ޕާޓީގެ މެމްބަރުންގެ ގޮތުގައި 10،000 މީހުން ތިބޭ ނަމައެވެ. މިއީ ފައިސާ ލިބޭ ޕާތީތަކުގެ ލިސްޓުން އަދާލަތު އުނިވި ފުރަތަމަ ފަހަރެވެ. އިލެކްޝަނުން އާއްމުކުރި މައުލޫމާތަށް ބަލާއިރު އަދާލަތުގައި މިހާރު ތިބީ 8،844 މެމްބަރުންނެވެ.
ސިޔާސީ ޕާޓީތަކުގައި މެމްބަރުން ތިބި އަދަދު
- ޕީޕަލްސް ނެޝަނަލް ކޮންގްރެސް، ޕީއެންސީ: 68،665 މެމްބަރުން
- އެމްޑީޕީ 43،765 މެމްބަރުން
- ޖުމްހޫރީ ޕާޓީ 13،456 މެމްބަރުން
- އެމްޑީއޭ 10،300 މެމްބަރުން
އިލެކްޝަންސްގެ ވެބްސައިޓުން ދައްކާގޮތުގައި މިވަގުތު ރާއްޖޭގައި ރަޖިސްޓްރީކޮށްގެން ހިންގާ 9 ޕާޓީއެއް އެބައޮތެވެ.
Advertisement
This content is created and paid for by advertisers and does not involve Voice Journalists
