އަންނަ އަހަރު ބާއްވާ ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީތަކުގެ އިންތިޚާބާ ގުޅިގެން 172 ވަޒީފާއަށް މުވައްޒަފުން ހޯދުމަށް އިލެކްޝަންސް ކޮމިޝަނުން ހުޅުވާލައިފިއެވެ.

* އެސިސްޓެންޓް މާސްޓަރ ޓްރެއިނަރ- 1

* ކޮމްޕްލެއިންޓްސް ބިއުރޯ މެންބަރ- 9

* ކޮމްޕްލެއިންޓްސް ބިއުރޯ މެނޭޖަރ- 1

* ސީނިއަރ އޮފިސަރ- 33

* ގްރެފިކްސް ޑިޒައިނަރ- 1

* ފޮޓޯގްރަފަރ- 1

* އޮފިސަރ- 104

* މެއިންޓަނަންސް އޮފިސަރ- 2

* ޓެކް އޮފިސަރ- 6

* އެސިސްޓެންޓް ލޮޖިސްޓިކް އޮފިސަރ- 2

* އޮފީސް އެސިސްޓެންޓް- 2

* ޑްރައިވަރ- 4

* ސެކިއުރިޓީ އޮފިސަރ- 6

މި މަގާމުތަކަށް ހޮވޭ މީހުން މަސައްކަތް ކުރުމަށޤ ހަމަޖެހިފައިވަނީ ކައުންސިލް އިންތިޚާބުގެ މަސައްކަތްތައް ނިމުމާ ހަމައަށެވެ. މި މުވައްޒަފުން ނަގާނީ ކޮންޓްރެކްޓް އުސޫލުންނެވެ. އަދި މުސާރައާއި އިނާޔަތްތަކުގެ އިތުރުން އިތުރު ގަޑީގެ ފައިސާވެސް މި މުވައްޒަފުންނަށް ލިބޭނެއެވެ.

މި މަގާމުތަކުގެ ތެރެއިން ކޮމްޕްލެއިންޓްސް ބިއުރޯ މެންބަރުންނާއި ކޮމްޕްލެއިންޓްސް ބިއުރޯ މެނޭޖަރުގެ މަގާމަށް ކުރިމަތިލާ ފަރާތްތަކުން މި މަހުގެ 15 ވަނަ ދުވަހުގެ މެންދުރު 15:00ގެ ކުރިން ފޯމު ހުށަހެޅުމަށް ވަނީ ހުޅުވާލާފައެވެ.

އެހެނިހެން މަގާމުތަކަށް އަންނަ އަހަރުގެ ފެބްރުއަރީ މަހުގެ 26ވަނަ ދުވަހުގެ މެންދުރު 15:00 އާ ހަމައަށް ކުރިމަތިލުމުގެ ފުރުސަތު ވަނީ ހުޅުވާލާފައެވެ.

ލޯކަލް ކައުންސިލް އަދި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިޚާބު ބޭއްވުމަށް އިލެކްޝަންސް ކޮމިޝަނުން ކަނޑައަޅާފައިވަނީ އަންނަ އަހަރުގެ އޭޕްރިލް 4 އެވެ. އެހެންކަމުން ކޮންމެ އަހަރެކޭ އެއްގޮތަށް މި އިންތިޚާބުގައި ވެސް ވޯޓުލާ މަރުކަޒުތަކުގައި މަސައްކަތް ކުރާނެ ވަގުތީ މުވައްޒަފުން އިލެކްޝަންސް ކޮމިޝަނުން ވަނީ ހޯދަންފަށާފައެވެ.