ހެލިކޮޕްޓަރު އޮޕަރޭޓްކުރަން ބޭނުންވާ ފަރާތްތަކަށް އަނެއްކާވެސް ފުރުސަތު ހުޅުވާލައިފި
ރާއްޖޭގައި ވިޔަފާރީގެ އުސޫލުން ހެލިކޮޕްޓަރުގެ ހިދުމަތް ދިނުމަށް ބޭނުންވާ ފަރާތްތަކަށް އެކަމަށް އެދި ހުސަހެޅުމުގެ ފުރުސަތު ހުޅުވާލައިފިއެވެ.
މިނިސްޓްރީ އޮފް ޓްރާންސްޕޯޓް އެންޑް ސިވިލް އެކްޝަނުން ބުނީ ހެލިކޮޕްޓަރު އޮޕަރޭޓް ކުރުމަށް ޝައުގުވެރިވާ ފަރާތްތަކުން އެކަމަށް އެދި ހުށަހެޅުމުގެ ފުރުސަތު އަންނަ އަހަރުގެ ޖެނުއަރީމަހުގެ 26 ގެ ނިޔަލަށް ހުޅުވާލާފައިވާކަމަށެވެ. މިނިސްޓްރީން ހެލިކޮޕްޓަރު އޮޕަރޭޓްކުރުމަށް ހުޅުވާލާފައިވަނީ އެއްތަނުން އަަނެއްތަނަށް މީހުން އުފުލުމަށާއި ސާޗް އެންޑް ރެސްކިޔު އޮޕަރޭޝަން ތަކަށެވެ.
ހެލިކޮޕްޓަރު މެދުވެރިކޮށް އެއާ އެމްބިއުލާންސް ޚިދުމަތާއި މީހުން ހޯދައި ކާރިސާތަކުން މީހުން ސަލާމަތް ކުރުމުގެ އޮޕަރޭޝަން ހިންގުމުގެ އިތުރުން ފަތުރުވެރިކަމުގެ ދާއިރާ ކުރިއެރުވުމަށް ފަތުރުވެރިން އުފުލުމަތީ މިނިސްޓްރީގެ މަގުސަދުކަމަށާއި އެ ޚިދުމަތް ދޭ ފަރާތަކަށް، ފަތުރުވެރިން ހެލިކަޕްޓަރުގައި އުފުލަން 10 އަހަރުގެ އެކްސްކްލޫސިވް އެއްބަސްވުމެއް ދޭނެ ކަމަށް މިފަހަރު ހުޅުވާލި ފުރުސަތުގައިވެސް ވަނީ ބުނެފައެވެ.
މިނިސްޓްރީން ވަނީ މިދިޔަ އަހަރުގެ އޮގަސްޓްމަހުގެ ތެރޭގައިވެސް ވިޔަފާރީގެ އުސޫލުން ހެލިކޮޕްޓަރުގެ ހިދުމަތް ދިނުމަށް ބޭނުންވާ ފަރާތްތަކަށް ފުރުސަތު ހުޅުވާލާފައެވެ.
ރާއްޖޭގައި އަލުން ހެލިކޮޕްޓަރުގެ ހިދުމަތް ފެށުމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ނިންމަވާފައިވަނީ 2024 ވަނަ އަހަރުގެ ޖެނުއަރީމަހުގެ 28 ވަނަ ދުވަހުއެވެ. ރައީސް އެ ނިންމެވުން ނިންމެވީ މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަންއިން ހުށަހެޅި ކަރުދާހަށް ވަޒީރުންގެ މަޖިލީހުގައި މަޝްވަރާ ކުރެއްވުމަށް ފަހުގައެވެ.
Advertisement
This content is created and paid for by advertisers and does not involve Voice Journalists
