ދަރިވަރަކާއި ޓީޗަރަކާމެދު އައްޑޫ ހައި ސުކޫލްގައި ހިނގި ހާދިސާއާ ގުޅިގެން އެ ދަރިވަރު ވެސް ސަސްޕެންޑް ކޮށްފި އެވެ.
އައްޑޫ ހައި ސްކޫލުގައި ގުރޭޑް 12 ގެ ދަރިވަރަކާއި އިންޑިއާ ޓީޗަރެއްގެ މެދުގައި ހަމަނުޖެހުން ހިންގާ ކުރާ މަންޒަރު ފެންނަ ވީޑިއޯއެއް ވަނީ އާންމުވެފަ އެވެ. ކުލާހުގެ އެތައް ކުދީންނެއް ކުރިމަތީ އެ ދަރިވަރާއި އިންޑިއާ ޓީޗަރު ވަނީ އަތް އިސްކޮށް ހަމަލާދީ ހަދާފަ އެވެ.
އެ ހަމަނުޖެހުން ހިނގަން ފެށުނީ ދަރިވަރަކު އިސްވެ ޓީޗަރަށް ތަކުރާރުކޮށް މަލާމާތާއި ފުރައްސާކުރުމުންނެވެ. އެ ނޫންވެސް އެތައް ކަމެއް ހިނގާފައިވެ އެވެ.
އެ މައްސަލަ ބަލަން ފަށާ އެޑިއުކޭޝަން މިނިސްޓްރީން ވަނީ ޓީޗަރު ސަސްޕެންޑް ކޮށްފަ އެވެ. އަދި މިހާރު ވަނީ ދަރިވަރު ވެސް ސަސްޕެންޑް ކޮށްފަ އެވެ. މިނިސްޓްރީން ބުނި ގޮތުގައި މި ހާދިސާގައި ކަން ހިނގާފައިވާ ގޮތުން ދަރިވަރު ބިހޭވިއާ މޮޑިފިކޭޝަން ޕްރޮގްރާމެއް ފުރިހަމަ ކުރަން ޖެހެ އެވެ. އަދި ކުރެވުނު ކުށަަށް އިއުތިރާފުވެ މާފަށް އެދެން ޖެހެ އެވެ.
އައްޑޫގެ ހާދިސާއާ ގުޅިގެން ވަރަށް ގިނަ ބަޔަކު އެކި ގޮތްގޮތަށް ޝުއޫރު ފާޅުކުރަމުންނެވެ.
Advertisement
This content is created and paid for by advertisers and does not involve Voice Journalists
