ގިނަބައެއްގެ ނުރުހުން އަމާޒުވި ސްޕީޑް ބްރޭކަރުތައް ނަގައިފި
ހުޅުމާލޭގެ މަގުތަކުގައި ދުއްވާ އުޅަނދުތަކުގެ ސްޕީޑް ކޮންޓްރޯލް ކުރުމަށް ޓަކައި، ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން މިދިޔަ ސެޕްޓެމްބަރު މަހު ހަރުކުރި ކުދި ސްޕީޑް ބްރޭކަރުތައް ނަގައިފިއެވެ.
އެ ސްޕީޑް ބްރޭކަރުތައް ހަރުކުރާކަން ހާމަކޮށް އެޗްޑީސީން އޭރު އެކްސްގައި ކުރި ޕޯސްޓްގައި ބުނީ، ހުޅުމާލޭގެ މަގުތަކަކީ ރައްކާތެރި ތަނަކަށް ހެދުމަށް ޓަކައި ކުރަމުންދާ އެކި މަސައްކަތްތަކުގެ ތެރެއިން, އެކި ސަރަހައްދުތަކުގައި ސްޕީޑް ބްރޭކަރު ހަރުކުރަމުން އަންނަ ކަމަށެވެ.
ކުރިން ހަރުކޮށްފައިހުރި ސްޕީޑް ބްރޭކަރު
އެގޮތުން އެކި ސަރަހައްދުތަކުގައި 36 އަށްވުރެ ގިނަ ސްޕީޑް ބްރޭކަރު ހަރުކޮށްފައިވާކަންވެސް ހާމަކޮށްފައިވެއެވެ.
އެ ސްޕީޑް ބްރޭކަރުތައް ހަރުކުރުމުން ބައެއް ފަރާތްތަކުން ވަނީ ބްރޭކަރުތަކާ ގުޅޭ ގޮތުން ކަންބޮޑުވުން ފާޅުކޮށްފައެވެ.
އެގޮތުން، ކިތަންމެ މަޑުން ދުއްވިޔަސް، އޭގެ ބްރޭކަރުން އަރާފައިބާ ކޮންމެ ފަހަރަކު، އުނަގަނޑުގައި ރިއްސާ ކަމަށާ އެހެން އެކަން ވަނީ ބްރޭކަރު ހުންނަ ގޮތުން ކަމަށް ބުނެފައިވެއެވެ.
އަދި، އެ ބްރޭކަރުތައް ހަރުކުރުމަކީ ރައްޔިތުންނާއި އަގުބޮޑުކޮށް ގަނެފައި ހުންނަ ވެހިކަލްތަކަށް ދެވޭ ގެއްލުމެއް ކަމަށްވެސް މީހަކު ބުނެފައިވެއެވެ.
ނަމަވެސް ބައެއް މީހުން ސްޕީޑް ބްރޭކަރުތަކުން މަގުގައި އެކްސިޑެންޑް ހިނގާ މިންވަރު ކުޑަ ކަންވެސް ފާހަގަކޮށްފައިވާއިރު، އެޗްޑީސީން މިހާރު ވަނީ އެ ސްޕީޑް ބުރޭކަރުތައް ނަގާފައެވެ.
އެކަމާ ގުޅިގެން އެޗްޑީސީގެ ބަހެއް އަދި ނުލިބެއެވެ.
Advertisement
This content is created and paid for by advertisers and does not involve Voice Journalists
