އަންނަ މާޗްމަސް ނިމޭއިރު ކޮންމެ އަތޮޅެއްގައި އެސްޓީއޯ ރޭޓްގައި ތެއޮ ވިއްކަން ފެށޭނޭކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.
ދުވާފަރުގައި މިރޭ ބޭއްވި މަސްވެރިންގެ ދުވަހުގެ ރަސްމީ ޖަލްސާގައި ވާހަކަދައްކަވަމުން ރައީސް ވިދާޅުވީ، އެސްޓީއޯ ރޭޓުގައި ރާއްޖޭގެ އަތޮޅުތަކުން ތެއޮ ލިބޭނޭ އިންތިޒާމު ހަމަޖެއްސުމަކީ ރިޔާސީ އިންތިހާބު ދުވަސްވަރު އެމަނިކުފާނު ރައްޔިތުންނަސް ވީ ވައުދެއްކަމަށެވެ. ރައީސް ވިދާޅުވީ އެސްޓީއޯ ރޭޓްގައި ތެއޮ ލިބުމަކީ މުހިންމު މަސައްކަތްތަކެއް ކުރެވިގެން ކުރެވޭނޭ މަސައްކަތެއް ކަމަށެވެ.
އެގޮތުން މިދިޔަ ދުވަސްތަކުގައި އެ މަސައްކަތް ކުރެވުނުކަން ފާހަގަކުރައްވަމުން ރައީސް ވިދާޅުވީ، މިދިޔަ ދުަވަސްތަކުގައި އެސްޓީއޯގެ ފިއުލް ސްޓޭޝަންތައް އަތޮޅުތެރޭގެ ރަށްރަށުގައި ގާއިމްކުރުމުގެ މަސައްކަތް ފަށާފައިވާކަމަށެވެ. އެގޮތުްނ ކުރެވުނު މަސައްކަތްތަކުގެ ތެރެއިން މިއަދު ރ.ދުވާފަރުގައި ގާއިމްކުރި ފިއުލް ސްޓޭޝަނުން އެސްޓީއޯ ރޭޓްގައި ތެއޮ ވިއްކަން ފެށިފައިވާކަން ރައީސް ފާހަގަކުރެއްވިއެވެ.
އެހެންވީމައި މިއަދު މިވަނީ އެ ވައުދު ފުއްދުމުގެ އަމަލީ މަސައްކަތް ފެށިފައި. ދެން ކޮންމެ އަތޮޅެއްގައި ގާއިމްކުރަންހުރި ތަންތަން ގާއިމްކުރުމުގެ މަސައްކަތް ކުރިއަށްއޮތް ހަފްތާތަކުގައުި ކުރިއަށްދާނެ
ރައީސް ޑރ.މުއިއްޒު
ރައީސް ވިދާޅުވީ ކޮންމެ އަތޮޅެއްގެ ކަނޑައަޅާފައިވާ ރަށްރަށުގައި އެސްޓީއޯގެ ފިއުސް ސްޓޭޝަންތައް ގާއިމްކުރަމުންގޮސް މިއަންނަ މާޗްމަސް ނިމެންވާއިރަށް ވައުދުވިގޮތަށް އެ މަސައްކަތް ފުރިހަމަ ކުރެވޭނޭކަމަށް ރައީސް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
