ގ.އ ގެމަނަފުށީގައި އިމާރާތް ކުރާ މިސްކިތުގެ މަސައްކަތް ކަނޑައެޅިފައިވާ ތާވަލާ އެއްގޮތަށް ކުރިއަށްދާކަމަށް ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ) އިން ބުނެފިއެވެ.

އާރްޑީސީން އެކްސްގައި ކުރި ޕޯސްޓެއްގައި ބުނީ، ‏ޕަބްލިކް ސެކްޓަރ އިންވެސްޓްމަންޓް ޕްރޮގްރާމްގެ ދަށުން ގއ. ގެމަނަފުށީގައި އިމާރާތް ކުރުމަށް ހަމަޖެހިފައިވާ މިސްކިތުގެ މަސައްކަތްތަކުގެ ފެންސު ޖެހުމުގެ މަސައްކަތް މިހާރު ނިމިފައިވާކަމަށެވެ.

މި މިސްކިތުގެ މަސައްކަތް އިސްލާމިކް މިނިސްޓްރީން އާރްޑީސީއާ ހަވާލުކޮށް އެއްބަސްވުމުގައި ސޮއިކޮށްފައިވަނީ 5 އޮގަސްޓް 2025 ގައެވެ.

މިއީ 7،780،395.62 ރުފިޔާއަށް ހަވާލުކޮށްފައިވާ މަސައްކަތެކެވެ. މަސައްކަތް އެއްކޮށް ނިންމުމަށް ދީފައިވަނީ 240 ދުވަހެވެ.