އިންޑިޔާއިން އައި މީހެއްގެ ލަގެޖުން މަސްތުވާތަކެތި؛ ބަންދު ކުރީ ދެ ދުވަހަށް
ރާއްޖެއަށް މަސްތުވާތަކެތި އެތެރެކުރަން އުޅުނު މައްސަލައެއްގައި އިންޑިޔާ މީހަކު ހައްޔަރު ކޮށްފިއެވެ.
މި މައްސަލައާއި ގުޅިގެން ހައްޔަރުކޮށްފައިވަނީ އުމުރުން 22 އަހަރުގެ މީހެކެވެ. އޭނާގެ މައްޗަށް ތުހުމަތު ކުރެވެނީ، މަސްތުވާތަކެތި ބޭނުންކޮށް، އެތަކެތި ގެންގުޅެ، އެތަކެތީގެ ވިޔަފާރި ކުރާ ކަމުގެ ތުހުމަތެވެ.
އޭނާގެ ބަންދު އަމުރުގައިވާގޮތުން އޭނާ ހައްރުކޮށްފައިވަނީ އިޖުރާއަތާއި އެއްގޮތަށެވެ.
އަމުރުގައިވާގޮތުން، މަސްތުވާތަކެތި ފެނުނު ލަގެޖް ލައިފައި ހުރި ޓްރޮލީއަކީ އޭނާގެ ޓްރޮލީއެއް ނޫންކަމަށް އޭނާ ވަނީ ބުނެފައެވެ.
އަދި އެ ލަގެޖް ހުޅުވީ އޭނާގެ އަތުގައި އޮތް ތަޅު ދަނޑިންކަމެއް ތަޙްޤީޤުކުރި ފަރާތުން ބުނެދެވިފައި ނުވާކަމަށާ، މަސްތުވާތަކެތި ބޭނުން ކުރި ކަމަށް އިންޑިޔާ މީހާއަށް ތުހުމަތު ކުރެވޭއިރު، ބަންދު އަމުރު ޖަހަން ގެންދިޔައިރު އޭނާގެ ޔޫރިންވެސް ޓެސްޓް ނުކުރާކަމަށް އައިއޯ ބުނެފައިވާކަން އަމުރުގައި ފާހަގަކޮށްފައިވެއެވެ.
މީގެ އިތުރުން އޭނާއަކީ އަލަށް ރާއްޖެއަށް އައި މީހެއްކަމެއް އަދި އޭނާގެ އަތުގައި އޮތީ ކޮން ވައްތަރެއްގެ ވިސާއެއް ކަމެއްވެސް އައިއޯ އަށް ބުނެދެވިފައި ނުވާކަމަށް އަމުރުގައިވެއެވެ.
އެހެންކަމުން މައްސަލަ ބެއްލެވި ގާޒީ ޢަލީ ނަދީމް ވަނީ އޭނާގެ ބަންދަށް ދެ ދުވަސް ޖަހާފައެވެ.
Advertisement
This content is created and paid for by advertisers and does not involve Voice Journalists
