އެނދުމަތިކޮށްގެން ހޯދި ފަރުވާގެ ހަރަދުތަކަށް ޓްރީޓޮޕާއި އޭޑީކޭ ހޮސްޕިޓަލަށް އެކަނިވެސް މިދިޔަ ނޮވެންބަރުމަހު ޖުމުލަ 7،598،203 ރުފިޔާ ހޭދަވެފައިވާކަމަށް އެންސްޕާއިން ބުނެފިއެވެ.

އެންސްޕާއިން އާއްމުކުރި ތަފާސްހިސާބުތަކަށް ބަލާއިރު، އެންމެބޮޑު އަދަދެއް ހޭދަކޮށްފައިވަނީ ޓްރީޓޮޕް ހޮސްޕިޓަލަށެވެ. މި ތަފާސްހިސާބަށް ބަލާއިރު ނޮވެންބަރު މަހު 278 ފަރާތަކުން ވަނީ އެނދުމަތިކޮށްގެން ފަރުވާހޯދާފައެވެ. އެފަރާތްތަކަށް ކުރި ހޭދައިގެ ޖުމްލަ އުޅެނީ 4 މިލިއަން ރުފިޔާއަށޤ ވުރެ މަތީގައެވެ. 

އޭޑީކޭ ހޮސްޕިޓަލުން ފަރުވާ އެނދުމަތިކޮށްގެން ހޯދައިފައިވަނީ ޖުމުލަ 166 ފަރާތެކެވެ. މި ފަރާތްތަކަށް ޖުމުލަ 3 މިލިއަނަށް ވުރެ ގިނަ ރުފިޔާ ހަރަދުކޮށްފައިވެއެވެ. 

- ކަށީގެ ބަލިތައް: 1،181،887 ރުފިޔާ (44 ކޭސް)

- ކުޑަކުދިންގެ ބަލިތައް: 871،407.34 ރުފިޔާ (19 ކޭސް)

- ވިހެއުމާގުޅޭ: 820،686.60 ރުފިޔާ (60 ކޭސް)

- އަންހެނުންގެ ބަލިތައް: 372،373.21 ރުފިޔާ (28 ކޭސް)

- ގޭސްޓްރޯއިންޓެސްޓިނަލް: 284،954 ރުފިޔާ (21 ކޭސް)

- ނޭވާލާ ނިޒާމުގެ ބަލިތައް: 171،173 ރުފިޔާ (16 ކޭސް)

- މައިބަދަ/ނާރުގެ ބަލިތައް: 754،975 ރުފިޔާ (17 ކޭސް)

- ކާޑިއޮވަސްކިއުލާ ބަލިތައް: 618،426.14 ރުފިޔާ (16 ކޭސް)

- ވިހެއުމާގުޅޭ: 293،235.03 ރުފިޔާ (25 ކޭސް)

- ކަށީގެ ބަލިތައް: 277،895 ރުފިޔާ (15 ކޭސް)

- ގޭސްޓްރޯއިންޓެސްޓިނަލް: 197،38 ރުފިޔާ (16 ކޭސް)

- އަންހެނުންގެ ބަލިތައް: 188،199 ރުފިޔާ (14 ކޭސް)

މިދިޔަ މަހު އެންސްޕާއިން ރާއްޖޭގެ ޕްރައިވެޓް ހޮސްޕިޓަލްތަކުން އެނދުމަތިކޮށްގެން ހޯދާފައިވާ ފަރުވާތަކަށް ބޭސްފަރުވާގެ އެހީގެ ގޮތުގައި ހަރަދުކޮށްފައިވަނީ އޮކްޓޯބަރު މަހު ހަރަދުކުރި ވަރަށްވުރެ 1.1 މިލިއަން ރުފިއާ އިތުރު އަދަދެކެވެ. 

ދައުލަތުގެ ބައިތުލްމާލުން ބޭސްފަރުވާގެ ކަންކަމަށް ކޮންމެ މަހަކުވެސް އަމިއްލަ ހޮސްޕިޓަލްތަކަށް އެތައް މިލިއަން ރުފިޔާއެއް ހޭދަކުރެއެވެ. އެ ހަރަދުތައް ކުޑަކުރުމުގެ ގޮތުން ސަރުކާރުން ދަނީ އަތޮޅުތެރޭގެ ރަށްރަށުގެ ސިއްހީ ހިދުމަތްދޭ ތަންތަނުގެ ފެންވަރު ރަނގަޅުކޮށް، ސަރުކާރުގެ މައި ހޮސްޕިޓަލުންދޭ ހިދުމަތް އިތުރަށް ތަރައްޤީކުރުމަށް މަސައްކަތްތަކެއް ކުރަމުންނެވެ.