ބޭންކް އޮފް މޯލްޑިވްސްގެ ޑޮލަރު އަދި ރުފިޔާ ނެގޭ އޭޓީއެމްތަކެއް ހުޅުމާލެ ފޭސް ދޭއްގައި ބަހައްޓައިފިއެވެ.
ބީއެމްއެލުން ފޭސް ދޭއްގައި ގާއިމްކުރި ދެ އޭޓީއެމްގެ ތެރެއިން ރުފިޔާ އޭޓީއެމް ބަހައްޓާފައިވަނީ ހިޔާ ޓަވަރު 6 އަދި 5 ވަނަ ޓަވަރާ ދެމެދު އޮންނަ ބިމުގައެވެ. އަދި ސްޓެލްކޯ ފްލެޓްތައް ކައިރީގައި ވަނީ ޑޮލަރު އަދި ރުފިޔާ އޭޓީއެމެއް ބަހައްޓާފައެވެ.
މިކަމަށްޓަކައި މިއަދު ހަވީރު ބޭއްވި ރަސްމިއްޔާތުގައި އިކޮނޮމިކް މިނިސްޓަރު މުޙައްމަދު ސަޢީދު އާއި ބީއެމްއެލްގެ ޗެއާޕަރސަން އަޙްމަދު ޢަލީ ޙަބީބާއި ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފާއި ބީއެމްއެލްގެ އިސް ބޭފުޅުން ބައިވެރިވެ ވަޑައިގެންނެވިއެވެ.
ބީއެމްއެލުން ފޭސް ދޭއްގައި ބެހެއްޓި އޭޓީއެމްގެ ހިދުމަތް ފެށުން... ފޮޓޯ: ބީއެމްއެލް
ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފް ވިދާޅުވީ، ބީއެމްއެލުން އަބަދުވެސް މަސައްކަތް ކުރަނީ ރާއްޖޭގެ ހުރިހާ މުޖުތަމައުތަކަށް ވީހާވެސް ފަސޭހައިން މާލީ ޚިދުމަތްތަކަށް ވާސިލުވެވޭނެ ގޮތް ހަމަޖެއްސުމަށް ކަމަށެވެ.
ހުޅުމާލެ ފޭސް 2 އަކީ ކުރިއަރަމުން އަންނަ ސަރަހައްދެއް. މި އޭޓީއެމް ސެންޓަރުތަކުން ރަމްޒުކޮށްދެނީ ފަރުދުންނާއި ވިޔަފާރިތަކުގެ ބޭނުންތައް ފުރިހަމަކޮށްދިނުމަށް ފަސޭހަ އަދި އިތުބާރުހިފޭ ޚިދުމަތެއް ފޯރުކޮށްދިނުމަށް މި ބޭންކުން ދޭ އަހުމިއްޔަތުކަން
ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފް
ބީއެމްއެލުން ބުނީ ހިޔާ އަދި ސްޓެލްކޯ ޓަވަރުތައް ކައިރީ ބެހެއްޓި އޭޓީއެމްތަކުގެ ސަބަބުން ހުޅުމާލެ ފޭސް 2 ގައި ދިރިއުޅޭ ފަރާތްތަކަށް ދިވެހި ރުފިޔާއާއި ޑޮލަރުގެ މުއާމަލާތްކުރުމަށް ލުއިފަސޭހަކަން ލިބި އަދި ބޭންކިންގ ޚިދުމަތްތަކަށް ވާސިލުވެވޭނެކަމަށެވެ.
ބީއެމްއެލުން ވަނީ މީގެ ކުރިން ހުޅުމާލޭ ފޭސް ދޭއްގެ ވިނަރެސް ސަރަހައްދުގައިވެސް ސެލްފް ސާވިސް ދެ އޭޓީއެމް ބަހައްޓާފައެވެ. މީގެ އިތުރުން ބީއެމްއެލުން އަންނަނީ ފޭސް އެކެއްގައި ގާއިމުކޮށްފައިވާ ބޭންކުގެ ބްރާންޗާއި 4 ސެލްފް ސަރވިސް ބޭންކިންގ އޭޓީއެމް ސެންޓަރުގެ އިތުރުން ފޭސް 1 ގައި ހުންނަ ރެނާޓަސް އިތާ މުއި އިމާރާތުގައި ޑޮލަރު އޭޓީއެމްގެ ޚިދުމަތް ދެމުންނެވެ. .
Advertisement
This content is created and paid for by advertisers and does not involve Voice Journalists
