ދިރާގުން 2026 އަށް ރީތި ކަލަންޑަރެއް: ދައްކުވައިދެނީ ކަނޑުފަޅުތަކުގެ ގުޅުމާއި ދިވެހިރާއްޖޭގެ ގުޅުން
ދިރާގުން "ކަނޑުފަޅުގެ ގުޅުންތަކުގެ އަހަރެއް" މި ޝިއާރުގެ ދަށުން އެކުލަވާލައިފައިވާ އެ ކުންފުނީގެ 2026ވަނަ އަހަރުގެ ކަލަންޑަރު ތައާރަފްކޮށްފިއެވެ.
މި ކަލަންޑަރަކީ ކަނޑުފަޅުތަކުގެ ދިރުންތައް އެކަތި އަނެކައްޗަށް ބަރޯސާ ވާ ފަދައިން، ދިވެހިރާއްޖޭގައިއެކަކު އަނެކަކު ގުޅުވައިދިނުމުގައި ދިރާގު އަދާކުރަމުންދާ މުހިންމު ދައުރާއި ހުރި މާނަވީ ގުޅުމުގެ މައްޗަށް ބިނާކޮށް ހަދައިފައިވާ ކަލަންޑަރެކެވެ.
މި ކަލަންޑަރު ތައާރަފްކުރުމަށް ބޭއްވި ހާއްސަ ހަފްލާއެއްގައި މި ކަލަންޑަރުތައާރަފްކޮށްދެއްވައިފައިވަނީ ދިރާގުގެ ސީ.އީ.އޯ އަދި އެމް.ޑީ އިސްމާއީލް ރަޝީދެވެ. މި ހަފްލާގައި ދިރާގުގެ އިސް ވެރިންގެ އިތުރުން ކަނޑުތަކާއި ތިމާވެށި ހިމާއަތްކުރުމަށް ޝައުގުވެރިވާ ފަރާތްތަކާއި އަމަލީ ގޮތުން މަސައްކަތްތައް ކުރަމުންދާ ފަރާތްތައް ވަނީ ބައިވެރިވެފައެވެ.
މި ހަފްލާގައި ވާހަކަދައްކަވަމުން ދިރާގުގެ ޑިރެކްޓަރ ބްރޭންޑް އެންޑް މާކެޓިންގ ކޮމިއުނިކޭޝަންސް މިރްޝާން ހަސަން ވިދާޅުވިގޮތުގައި، ދިރާގުގެ މަގުސަދަކީ މި ކަލަންޑަރުގެ އެހީގައި ރާއްޖޭގެ ވަށައިގެންވާ ތިމާވެށި ދެމެހެއްޓިނިވި ގޮތެއްގައި ރައްކާތެރިކުރުމަށް ކަނޑުފަޅުގެ ދިރުންތަކުގެ މުހިންމުކަން އަންގައިދީ، ކަނޑުތައް ރައްކާތެރިކުރުމަށް ބާރުއެޅުންކަމަށެވެ.
”ކަނޑުތައް ރައްކާތެރިކުރުމަކީ ދިރާގުގެސީ.އެސް.އާރުގެ ތެރެއިން ވެސް ވަރަށް ބޮޑު އިސްކަމެއް ދޭ ދާއިރާއަކަށް ވާ އިރު އަޅުގަނޑުމެންގެ އުންމީދަކީ މި ކަލަންޑަރުގެ އެހީގައި މި ކަމަށް ހޭލުންތެރިކަން އިތުރުކުރުން." މިރުޝާން ވިދާޅުވިއެވެ.
މި ކަލަންޑަރުގައި ރާއްޖޭގެ ކަނޑުއަޑީގެ ދިރުންތަކުގެ ރީތިކަން ދައްކުވައިދޭ ކުރެހުންތައް ވަނީ ހިމަނައިފައިއެވެ. އަދި ކަލަންޑަރުގެ ކޮންމެ މަހެއް ހާއްސަކޮށްފައިވަނީ ކަނޑުގައި ދިރިއުޅޭ ތަފާތު ދިރޭ ބާވަތްތައް އެކަތި އަނެކަތީގެ ދިރިހުރުމަށް އެއްބާރުލުންދޭ ގޮތުގެ މައްޗަށެވެ. މި ގުޅުންތައް ބިނާވެފައިވަނީ އިންސާނުންނާއި ކަނޑުގެ ދިރުންތައް ގުޅިލާމެހިފައިވާ ފަދައިން، ކަނޑުގެ ދިރުންތައް ވެސް ކެއިންބުއިމަށާއި ރައްކާތެރިކަމަށާއި ދިރިއުޅޭ ތަން ބިނާކުރުމަށް އެކަތި އަނެކައްޗަށް ބަރޯސާ ވާ ގޮތުގެ މައްޗަށެވެ.
Advertisement
This content is created and paid for by advertisers and does not involve Voice Journalists
