ހުޅުމާލޭގެ ސިނާއީ ސަރަހައްދުގައި ޤަވާއިދާ ހިލާފަށް ޕާކުކޮށްފައިވާ އުޅަނދުތައް ނަގަން އެޗްޑީސީން ނިންމައިފިއެވެ.
އެކަމާ ގުޅިގެން އެޗްޑީސީން ކުރި އިއުލާނެއްގައި ބުނީ، ހުޅުމާލޭގެ ސިނާއީ ސަރަހައްދުގައި އާންމު ރައްޔިތުންނަށް އުނދަގޫވާ ގޮތަށް ޤަވާއިދާ ހިލާފަށް ޕާކުކޮށްފައިވާ އުޅަނދުތައް ނަގައި، އެ ސަރަހައްދު ސާފުކުރުމުގެ މަސައްކަތް ކުރުމަށް އރ ކޯޕަރޭޝަނުން ނިންމާފައިވާ ކަމަށެވެ.
އެހެންކަމުން، ހުޅުމާލޭގެ ސިނާއީ ސަރަހައްދުގައި ޕާކިންގ ޒޯނުގެ ބޭރުން ޤަވާއިދާ ހިލާފަށް ޕާކުކޮށްފައިވާ އުޅަނދުތައް، އަންނަ ޖަނަވަރީ މަހުގެ 08ވާ ބުރާސްފަތި ދުވަހުގެ 00:00 ކުރިން އެ ސަރަހައްދުން ނެގުމަށް އެ ކޯޕަރޭޝަނުން ވަނީ އެދިފައެވެ.
އަދި އެ މުއްދަތުގެ ކުރިން އެ އުޅަނދުތައް އެ ސަރަހައްދުން ނަގާފައި ނުވާނަމަ ކަމާގުޅުންހުރި އިދާރާތަކާ ގުޅިގެން އެތަކެތި އެ ސަރަހައްދުން ނެގުމުގެ މަސައްކަތް އެޗްޑީސީން ކުރިއަށްގެންދާނެ ކަމަށްވެސް ބުންޏެވެ.
އެ މަސައްކަތުގެ ތެރެއިން އުޅަނދަކަށް ނުވަތަ އުޅަނދެއްގެ ވެރިފަރާތަށް ލިބިދާނެ އެއްވެސް ގެއްލުމަކަށް އެ ކޯޕަރޭޝަނުން ޒިންމާ ނުވާނެ ކަމަށްވެސް އެޗްޑީސީން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
