ފިލްމީ ތަރި ނިމާލަށް ސްޓްރޯކެއް ޖެހި އައިސީޔޫގައި، ޙާލު ވަރަށް ދެރަ
މަޝްހޫރު ފިލްމީ ތަރި އަހްމަދު ނިމާލަށް ސްޓްރޯކެއް ޖެހި އައިސީޔޫގައި ފަރުވާ ދޭން ފަށައިފި އެވެ.
ނިމާލަށް ސްޓްރޯކެއް ޖެހި ފަރުވާ ދޭން ފެށީ މީގެ އިރުކޮޅެއްގެ ކުރީންނެވެ. މިވަގުތު ދަނީ އޭޑީކޭގެ އައިސީޔޫގައި ދަނީ ފަރުވާ ދެމުންނެވެ. ހާލު ވަރަށް ދެރަ ކަމަށް އެނގިފައިވެ އެވެ.
ނިމާލަކީ ފިލްމީ ދާއިރާގެ އެންމެ މޮޅު އެކްޓަރެވެ. މިވަގުތު މި ދާއިރާގައި ހުރި އެންމެ ތަޖުރިބާކާރު އެކްޓަރަކީ އޭނާ އެވެ. ފިލްމީ މަސައްކަތުގައި ނިމާލް ހަރަކާތްތެރިވާތާ 42 އަހަރު ވެއްޖެ އެވެ. އޭނާ އެންމެ ފުރަތަމަ ފިލްމީ މަސައްކަތާއި ގުޅުނީ 1984 ގައި ފިލްމު "ނުފޫޒު" އިންނެވެ.
އޭގެ ފަހުން ތިރީހަކަށް ފީޗާ ފިލްމު ކުޅެފައިވެ އެވެ. އަދި ތޭވީހަކަށް ފިލްމު ޑައިރެކްޓް ކޮށްފައިވެ އެވެ.
ނިމާލަކީ ހުރިހާ ޕްރޮޑިއުސަރުންނާއި ވެސް ވަަރަށް ގާތްގުޅުމެއް ބާއްވާ ފިލްމީ ދާއިރާގެ އެންމެ އެކުވެރި އެއް ތަރިއެވެ. ނިމާލުގެ ފަހަތުން އޭނާގެ ދޮށީ ފިރިހެން ދަރިފުޅު ޖުމައްޔިލް ނިމާލު ވެސް ވަނީ ފިލްމީ ދާއިރާއާ ގުޅިފަ އެވެ. އެއީ މިހާރު މި ދާއިރާގެ އެންމެ ކުޅަދާނަ އެކްޓަރެވެ.
ނިމާލްގެ އަންހެނުން, ފާތިމު ރަމީޒާ އަކީ ވެސް ފިލްމީ ދާއިރާއިން ގިނަ ބައެއްގެ ލޯބި ހޯދާފައިވާ ފަންނާނެކެވެ. ތައުލީމީ ދާއިރާގައި ވަަރަށް ދިގު މުއްދަތަކަށް ޚިދުމަތް ކޮށްފައިވާ އަދިވެސް އެ ދާއިރާގައި ދެމި ހުރި ރަމީޒާ ފިލްމީ ދާއިރާއާ ދުރުވީ ފަހުން އެތައް އަހަރެއް ވެއްޖެ އެވެ.
ބެލުންތެރިންގެ އެންމެ ބޮޑު މަގުބޫލު ކަމެއް ލިބުނު އެއް ފިލްމަކީ އޭނާގެ އަންހެނުން ފާތިމަތު ރަމީޒާ އާއެކު ކުޅުނު "ސިޓީ" އެވެ. އެއީ ނިމާލްގެ ފުރަތަމަ ޑައިރެކްޝަނެވެ. އެ ވާހަކަ ލިޔުނީ ވެސް ނިމާލް އެވެ. އޭނާ އަކީ ވަރަށް މޮޅު ލިޔުންތެރިއެއްވެސް މެ އެވެ.
Advertisement
This content is created and paid for by advertisers and does not involve Voice Journalists
