މާލޭގައި ގެއެއްގައި ރޯވެއްޖެ އެވެ.

އެމްއެންޑީއެފުން ބުނީ ސައިރިކްސް ކޮލެޖު ކައިރީ ހުރި ގެޔެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފް ފަޔާ އެންޑް ރެސްކިޔު ސަރވިސްއިން ދަނީ ހަރަކާތްތެރިވަމުން ކަމަށެވެ.

އެ ސަރަހައްދުގައި ހުރި ވޮއިސްގެ ރިޕޯޓަރު ބުނީ ބޮޑު ސަރަހައްދެއް ބަންދުކޮށްފައި އޮތުމުން ރޯވީ ކޮން ގެއެއްގައި ކަން ނޭންގޭ ކަމަށެވެ.

އެ ސަރަހައްދުގައި ދުން ބޯވެފައިވާ ކަމަށް ވެސް ބުންޏެވެ.

މާލޭގައި ގެއެއްގައި ރޯވުން -- ފޮޓޯ: ވޮއިސް

އެމްއެންޑީއެފުން ފަހުން ބުނީ މި ހާދިސާގެ ރިޕޯޓް މިރޭ 23:22 ހާއިރު ފަޔާ އެންޑް ރެސްކިޔު ސަރވިސްއަށް ލިބުމާ އެކު، މާލޭ ފަޔާ ސްޓޭޝަނުގެ ފަޔާފައިޓަރުން ވަނީ އެ ސަރަހައްދަށް ގޮސް އަލިފާން ނިއްވުމުގެ މަސައްކަތް ކޮށްފައެވެ. މިގޮތުން، ކުރި މަސައްކަތުން އިމާރާތުގައި ރޯވެފައި ހުރި އަލިފާން ކޮންޓްރޯލް ކުރެވުނީ މިރޭ 23:56 ހާއިރު ކަމަށް ވެސް ބުންޏެވެ.

މި ހާދިސާގައި އެއްވެސް މީހަކަށް އަނިޔާއެއް ވިކަމުގެ ރިޕޯޓު ލިބިފައެއް ނުވެއެވެ.

އަލިފާން ރޯވީ ހަދަމުންދިޔަ އިމާރާތެއްގަ އެވެ.